顧嘉煇辭世|過千金曲唱盡武俠愛戀 煇哥樂韻領港翱翔環球

顧嘉煇辭世|過千金曲唱盡武俠愛戀 煇哥樂韻領港翱翔環球

香港殿堂級音樂巨匠 顧嘉煇 1月3號喺加拿大溫哥華離世,享年92歲。多年來不論作曲編曲甚至指揮無一不曉嘅煇哥,以過千首粵語音樂作品,同 黎小田 仲有 許冠傑,被認為係將粵語流行曲發揚光大嘅重要奠基者,為香港流行娛樂文化影響全世界居功至偉。

被尊稱為「香港樂壇教父」嘅煇哥,近年長居溫哥華,閒時喜作畫,佢嘅兒子 顧志和 接受電話訪問,各外界說明煇哥近年嘅情況。佢指煇哥一直健康不俗,但係近日精神稍差,所以將佢送院,煇哥入院後家人每日探望,不過3號收到醫院電話通知見面,最後煇哥安詳告別塵世。

顧志和指煇哥最後心願,相信係「獅子山下越嚟越好」,佢稱香港近來又唔少轉變,不過佢認為香港人一直都係靈活有彈性,相信煇哥一定寄望香港越來越好。

而曾獻唱煇哥經典《啼笑因緣》嘅 仙杜拉 一直視對方為恩師,同樣身處加國嘅佢,對消息非常突然,非常不捨恩師離世。佢憶及過往經常同煇哥合作,經常被安排唱煇哥創作嘅多首好歌,自己最為深刻就係負責唱《啼笑因緣》。

煇哥為人謙厚,多年來曾同佢合作過嘅音樂人都大為讚譽,好似 葉振棠 就對過往煇哥嘅作品令唔少歌手唱頌之今非常感激。而 譚詠麟 形容煇哥係不可多得嘅音樂大將,全世界任何一個有華人嘅地方,都一定聽過佢嘅作品,仲就對煇哥創作俾佢嘅《誰可改變》最為深刻。

呂方同樣非常感激煇哥創作嘅作品,覺得與有榮焉,曾唱過煇哥《雪山飛狐》同兒童節目當中《黑白殭屍》兩首作品,呂方仲話自己參加新秀獲冠軍,就係由煇哥心中接過獎項,佢又形容煇哥工作時非常嚴肅認真,對音樂貢獻無人可以取代。

煇哥1930年代喺廣州出世後來移居香港,到1960年代參加作曲比賽而加入樂壇,仲因為才華洋溢,曾受邵逸夫同方逸華贊助赴美進修,學成返港之後煇哥正式加入TVB,開始創作過千首不朽作品,當中大部份同電視劇播出相輔相乘,唔少仲一直傳頌之今,音樂一起唔少人就會琅琅上口。

煇哥同黃霑可以話係最佳拍檔曲詞各有專長,佢哋亦因為合作無間而成為好友,後來亦經常一同舉辦音樂會,可惜鬼才巨匠先後告別凡塵,只留音樂經典繼續傳頌後世。

煇哥多年來作品傳遍世界,亦令佢收穫多個樂壇獎項,更早喺1982年就獲英女皇頒授大英帝國員佐勳章、98同15年先後獲特區政府頒發銅紫荊同金紫荊星章表揚佢嘅貢獻。而煇哥同時亦獲多間大學授予榮譽博士學位,表揚佢多年嚟嘅成就。

岳華遺孀恬妮依舊高貴優雅 孖田自義陳鳳芝周秀蘭加國行善義唱

女星恬妮於1975年與岳華婚後淡出娛樂圈,90年代初移民加拿大,岳華於2018年10月因病離世,77歲恬妮現居於溫哥華,近年常跟好友去當地護老院做慈善活動。恬妮、周秀蘭、「日本仔」田自義及1980年港姐亞軍陳鳳芝等呢日一齊義唱,唱咗唔少懷舊金曲,場面非常熱鬧;相中見恬妮依舊高貴優雅,跟老友記一齊傾吓偈、唱吓歌!

周秀蘭(左一)、「日本仔」田自義(左二)、恬妮(左三)、1980年港姐亞軍陳鳳芝(右一)

恬妮當年於邵氏艷情片《金瓶雙艷》演繹激情戲受歡迎而改走艷星路線,後來1980年代初期全面息影,90年代初期,岳華同恬妮帶11歲女兒移民加國,後來岳華獲太太恬妮同意返港拍劇,而恬妮嘅妹妹恬妞亦係藝人,近排其妹恬妞主演電影《出租家人》正上映。
77歲恬妮現居於溫哥華,近年常跟好友去當地護老院做慈善活動。恬妮呢日參與義唱,眾人唱咗唔少懷舊金曲,場面非常熱鬧。

恬妮嘅妹妹恬妞亦係藝人,近排其妹恬妞主演電影《出租家人》正上映。

恬妮與岳華由李翰祥撮合,相處超過30年為圈中模範夫婦,二人婚後育有一女。

恬妮與岳華由李翰祥撮合,相處超過30年為圈中模範夫婦,恬妮喺喪禮上憶起岳華講過一句說話「等我死了之後,你才知道這世上沒有人像我對你好」,恬妮表示:「現在知道了,感受到了……一生只有我一人與岳華抗衡,而他卻是真正的大好人。」
「日本仔」田自義喺《精裝追女仔》呢幕阿太投訴收縮水堅叔最經典。

同場嘅「日本仔」田自義就喺80、90年代電影同電視劇常飾演軍裝警,當中佢喺《精裝追女仔》呢幕阿太投訴收縮水堅叔最經典,田自義1995年離開香港演藝圈,移民加國開餐館。
80年代TVB花旦周秀蘭當年喺《鹿鼎記》飾演雙兒,佢與劉少君由相識至拍拖逾15年,1998年周秀蘭跟劉少君離婚。

80年代TVB花旦周秀蘭當年喺《鹿鼎記》飾演雙兒,佢與劉少君由相識至拍拖逾15年,1991年宣佈結婚,其後劉少君拍《真情》跟郭少芸傳出戲假情真,1998年周秀蘭跟劉少君離婚,周秀蘭淡出演藝圈,跟隨家人移居加國。
陳鳳芝選港姐嗰陣已係幫辦級警花,1980年港姐獲亞軍,1998年移民加拿大。

 相關推薦

熱門搜尋