《獎門人》呢日有 王灝兒 同 陳瀅 同好朋友 何超蓮 仲有《聲夢2》幾位成員一齊組隊現身玩遊戲，平時藝人參與大家都搏到盡，而呢次自薦一齊玩嘅Laurinda亦都完全唔輸蝕，要飛身坐爆氣球一樣冇問題呀。

雖然早前傳出佢同內地男星竇驍情變，不過呢日見Laurinda就似乎心情非常好，仲話會留港宜至過完年同媽咪生日後先返內地，而一提到感情狀況，雖然佢口話唔回應，不過都依然吐出一句：「穩定嘅」，直接將傳聞粉碎喇。

而同樣首次參與，同 陳嘉慧 彭慧中 仲有 陳聖瑜 組隊嘅 余思霆 一樣玩得非常投入，佢仲話一早已經有晒心理準備，仲話非常期待參與唔同遊戲呀，幾位靚女仲話就算玩變成花面貓都一樣冇有怕呀。

《聲夢2》幾位生力軍 候雋熙 黃洛妍 陳昊廷 仲有文佐匡 就話心情比較緊張，仲話既期待但係又怕傷害，不過一樣會盡全力參與咁話呀。

黎諾懿、林盛斌（Bob）、麥玲玲、麥美恩、余思霆同陳星妤呢日作客C君、謝嘉怡與黃紫恩主持嘅遊戲節目《咁你都唔識》，嘉賓各自帶埋一位素人朋友組隊參與，大玩常識問答遊戲，爭奪獎金同獎品。

黎諾懿被睇好贏面最大，佢笑言今次表現差咗少少，余思霆則請閨密男友作客擔任軍師，各人為求取勝，搵咗唔同嘅人幫手，事前做足功課，麥美恩邀請體育界博士助陣，玲玲師傅反選平民貼地嘉賓，林盛斌帶咗社會大學出身嘅「大秘書」迎戰！