孝琳現身台北跨年晚會 冒雨勁歌熱舞中文冧fans

韓國女歌手孝琳，11月喺台北舉行完個人演唱會後，呢晚佢又同蔡健雅、韋禮安、9m88等歌手現身台北跨年晚會。雖然當晚落住毛毛雨，但孝琳依然相當敬業，勁歌熱舞之餘，仲跪地兼一字馬，睇到全場逾萬人熱血沸騰。

再之同台北觀眾見面，孝琳都相當識做，用韓文同中文向現場觀眾打招呼，佢又拍見到大家冒住雨都嚟支持，非常感激大家。喺主持Lulu黃路梓茵、布萊克薛薛同阿拉斯帶領下，孝琳向多方位觀眾say hi，之後又用中文祝願大家「新年快樂」，再令在場眾人尖叫。