顧嘉煇離世|特備節目悼念顧嘉煇 故友憶過往難忘片段

顧嘉煇離世|特備節目悼念顧嘉煇 故友憶過往難忘片段

一代音樂大師 顧嘉煇 1月3號喺加拿大與世長辭,TVB製作《忘不了的殿堂音樂大師 顧嘉煇先生》懷念呢位獨一無二嘅音樂巨匠,同時邀請過往同煇哥非常有淵源嘅 鄭國江 李龍基 徒弟 杜自持 同 徐日勤 ,分享同煇哥共處嘅一點一滴。

被譽為華語音樂教父嘅煇哥,除咗多年來作品無數之外,佢亦提携培育唔少後輩,其中杜自持對煇哥嘅指點亦非常難忘,杜自持仲指冇煇哥就冇自己,脾氣更非常之好絕少動怒,亦習慣以身作則以教。

李龍基更稱從未見過煇哥大聲鬧人,大讚佢溫文爾雅。而同煇哥多次合作,創作過多首經典嘅 鄭國江 ,無數經典兒歌陪伴住一整代香港人成長,當中《小時候》、《小太陽》,甚至係流行曲《誰可改變》,都令自己難以忘懷。而 徐日勤 一樣對師傅煇哥作品如數家珍。

而 區瑞強 亦都有唔少同煇哥共事嘅珍貴回憶,當中煇哥榮休嘅演唱會最令佢印象難忘,而其實佢同煇哥認識超過45年,當時仍然係餐廳歌手嘅Albert,就因為煇哥係常客而相識,仲話前輩以行動支持,更懷念煇哥不為人知嘅驚人幽默感。

李龍基酒樓登台搵錢養「妻」 林作帶裕美撐場獲讚靚仔

李龍基(基哥)嘅未婚妻王青霞(Chris)涉逾期居留同使用虛假文書等6項罪名目前仍還押懲教所,心情受重創嘅基哥近日重投工作,日前為麥明詩同盛勁為嘅圍村婚宴表演之後,呢晚又現身酒樓登台。

現場座無虛席,連林作都有帶埋女友裕美嚟捧場,見到被媽咪踩唔夠盛勁為靚仔嘅林作時,基哥仲公開唱反調話:「你靚仔好多。」氹到林作笑晒口。

基哥一連獻唱多首經典歌曲,全晚演出非常風騷,仲走落台獻唱同收利是,見到熱情歌迷仲主動索吻同獻吻搞搞氣氛,決意暫時忘憂。基哥事後指因為唔可以帶啲悲觀情緒畀觀眾,一場嚟到最緊要大家開心,發放正能量。暫時留港工作嘅基哥話只要有人邀請,佢都會去唱歌:「其一唱歌係我興趣,又可以搵錢養老婆養家。」

基哥受訪時多次避開關於未婚妻Chris嘅話題,佢話而家要專心工作,自己近日瘦咗十幾磅,連肚腩都消失,雖然胃口未受影響,但睡眠質素好差,活動前一晚只係瞓咗兩小時,不過佢就拒絕為失眠求醫,秉承自己醫自己嘅宗旨。

 相關推薦

熱門搜尋