林峯盼能與吳卓羲黃宗澤合作 炎明熹透露有意到內地升讀大學

林峯盼能與吳卓羲黃宗澤合作 炎明熹透露有意到內地升讀大學

林峯、周柏豪、炎明熹同鍾鎮濤呢日現身廣州,為一個電視台嘅春晚進行錄影。近年專注影視發展嘅林峯,雖然直言暫時未有意舉行演唱會,但佢話好期待,希望可以一圓網民心願,同好兄弟吳卓羲、黃宗澤一齊合作拍住上,仲話原來佢哋三兄弟從來未試過一齊合作,如果成真都應該幾有綽頭,不過林峯話而家佢哋幾兄弟各有各忙,都要睇下有冇適合兄劇本呀。

首次擔任主拎嘅鍾鎮濤,就話事前已經同唔少司儀朋友取經,所以做起試嚟都唔會緊張,至於問到佢近期廣東歌再度被炒熱,佢就話覺得呢合係一個潮流,仲話自己最近有同譚詠麟合作寫新歌,又透露溫拿將會喺2023年會有新搞作呀。


近年主力喺內地發展嘅周柏豪,就話雖然可以工作自己係好開心嘅,但因為自己之前有成年都喺屋企照顧一對仔女,所以而家因為要返內地工作而要離開佢哋成9個月,周柏豪就話好唔慣,仲有少少遺憾唔可以睇住佢哋成展,不過柏豪話可能只係佢會覺得唔開心,仲笑言可能一對仔女會對自己唔係屋企呢年事無太大感覺呀。

Gigi炎明熹因為參加《聲生不息》而令佢嘅內地fans激增,出道只有年幾嘅佢,就已經獲邀出席春晚,Gigi自己都話覺得相當榮幸,仲話自己細個成日都會睇春晚,估唔到而家有機會參加演出。之前Chantel姚焯菲就透露嚟緊會去新西蘭升學,原來Gigi亦都有考慮過返內地升讀大學,仲話想專注讀時裝設計或者音樂方面嘅課程呀。

Twins疑接炎明熹棒成為快餐店新代言人 「Gi炎粉」激動:還我Gigi!

炎明熹(Gigi)短短幾年間已經成為本地樂壇寵兒,被封為「新一代樂壇小天后」。早前Gigi成為連鎖快餐店代言人,廣告歌《好想約你》唱到街知巷聞。不過,近日該快餐店上載疑以有新代言人的海報,並寫上將會首次與「孖妹」Twins合作,更透露即將會有新火花新搞作。

此舉隨即引起網民熱烈討論,當然「Gi炎粉」激動留言以示不滿:「我想要炎明熹」、「喜歡炎明熹,好想約你已入心!希望再會找炎明熹代言人!會幫襯多啲」、「還我Gigi」、「點解要換人,唔去lu」、「支持Gigi,無Gigi唔會去」

當然,網民反應兩極是正常,亦有人開心留言表示:「哇,久違的兩人新代言!!」、「有得望住你哋食飯都開心D」、「好好掛住你哋!」、「換咗人,順眼曬!」及「支持Twins」等。

圖片來源:網上圖片

Twins疑接炎明熹棒成為快餐店新代言人 Twins疑接炎明熹棒成為快餐店新代言人

 相關推薦

熱門搜尋