王菀之送上關心不獲回覆公開投訴張敬軒

娛樂新聞

2023-01-07 11:30

王菀之（Ivana）及陳湛文（Peter）以「銀幕情侶」身份出席活動，變成搵錢拍檔，二人默契十足，王菀之剛由日本返港，有發訊息關心好友張敬軒染疫，不過王菀之公開投訴被好友無視，希望佢早日康復。

王菀之同軒仔合作賀歲片《超神經械劫案下》稍後要一齊宣傳，王菀之笑稱：「如果佢再唔覆我，我就未必去，可能入戲太深，始終我同佢喺戲入面係做對壘，所以我而家仲未嬲完佢，恨係增咗。」王菀之講到早前跟家人同遊日本，順便飛抵長野嘅森林拍攝MV。

超神經械劫案下｜賀歲片首映氣氛熱鬧軒公Ivana預告打擂台

娛樂新聞

2023-01-18 15:30

由張敬軒王菀之同魏浚笙等合作演出嘅賀歲笑片，呢日喺一個戶外場地舉行首映，吸引大批Fans到場，場面非常熱鬧。雖然咁多人捧場，不過軒公就話唔會對票房有過高期望，因為賀歲檔期有唔少好作品，所以會保持謙卑嘅心呀。

佢又話如果票房達到3千萬嘅話，就會同Ivana上擂台自由搏擊喎，而Ivana就話戲中嘅打鬥戲覺得唔夠喉，仲上埋癮，所以非常歡迎呢個提議喇。

Ivana同軒公出道以嚟已經非常好朋友，而今次首次合作賀歲片，就令佢哋達成唔少願望，又話新作集合好多唔同元素，大家一定會睇得滿意咁話呀。