[直播] 《萬千星輝頒獎典禮2022》紅地毯盛況

[直播] 《萬千星輝頒獎典禮2022》紅地毯盛況

TVB年度盛事《萬千星輝頒獎典禮2022》今晚20:00就隆重舉行,一眾有份參與嘅男、女藝員都已經整裝待發,喺爭奪獎項之前先鬥靚鬥型鬥Trendy,TVB娛樂新聞台將現場情況同大家一齊分享,大家又覺得各入圍藝人或者走勢最似今晚會勝卷在握呢?

Mayanne小喇叭丨「細細粒」陳嘉佳帶貨直播闖出一片天 梁競徽感謝TVB過往磨練

由麥美恩同曾展望主持嘅TVB節目《Mayanne小喇叭》,呢集請到瘦咗又靚咗嘅小寶陳嘉佳同埋梁競徽做嘉賓,小寶同競徽近年轉換跑道,積極開拓直播帶貨市場,賺到豬籠入水,不過要賺呢啲錢都認真唔容易。

小寶話因為對自己要求高,所以做直播要付出嘅努力絕非外人能夠想像,而競徽都話直播好睇但唔易做,辛苦程度係一般人睇唔到,雖然佢都坦言相比帶貨,自己都係鍾意拍戲多啲,但既然選擇咗要做帶貨直播,就一定會努力做到最好。而競徽仲話自己可以勝任帶貨呢個工作,真係要多謝TVB過去嘅磨練。

瘦身成功嘅小寶已經有成四年冇返TVB拍劇,小寶拍劇團火似乎俾目前工作撲熄咗,事關佢而家成個工作模式係生意行先,如果要變返拍劇模式可能需要唔少時間適應,暫時佢都係專注帶貨先!

 相關推薦

熱門搜尋