蔡瀾揮春展題倪匡口頭禪 黃宇詩懷念自細受顧嘉煇指導往事

蔡瀾揮春展題倪匡口頭禪 黃宇詩懷念自細受顧嘉煇指導往事

得返兩個星期就要送虎迎兔,除咗新衫新鞋年糕年貨之外,屋企嘅擺設春聯都要記得準備呀。近年不時喺影片平台帶大家周圍搵食嘅 蔡瀾 呢日就再次舉辦揮春展喇,除咗大班讀者一早到場排隊等蔡生揮豪之外,仲有一班好朋友都分別嚟捧場喎。

而今年最特別嘅,就係蔡生以故友倪匡成日掛喺口邊嘅一句「So What」作為揮春內容喇。佢又話稍後就會去星馬舉辦書法展,仲話隨時出發都冇問題呀。

過往同蔡生做節目後成為好朋友嘅 黃宇詩 蘇玉華 同 谷德昭 撐場之餘仲獲贈墨寶,兩位當年女主持仲話疫情期間甚少同蔡生見面,所以每有活動都一定會到場支持呀。

黃宇詩 嘅爸爸 黃霑 多年來同近日身故嘅 顧嘉煇 可以話係最佳拍檔,而自細已經認識煇哥嘅佢,呢日就同大家分享小學時煇哥指導唱歌嘅深刻往事,亦諗起煇哥同Daddy嘅相處時光。而阿蘇就不時會上網重溫當年「煇黃」演唱會嘅經典演繹。

倫永亮相隔多年再與林憶蓮合作 葉麗儀為練歌提早返港

倫永亮相隔多年再與林憶蓮合作 葉麗儀為練歌提早返港

倫永亮、陳潔靈、葉麗儀、涂毓麟將喺下月舉行紅館演唱會,呢日四人出席演唱會記招,倫永亮即場同港樂駐團指揮廖國敏表現四手演奏鋼琴,一展才華。

Anthony喺演唱會同闊別香港樂壇多時嘅林憶蓮合作,呢次更係佢哋繼2004年《港樂×林憶蓮×倫永亮》音樂會後,攜手再登港樂舞台。二人除咗合唱、獨唱更有串燒歌演唱及重新編曲,希望為歌迷送上驚喜。

Miss Chan Chan同葉麗儀屆時會演繹黃霑、顧嘉煇作品,定居喺澳洲嘅葉麗儀呢次表演提早返港練歌,二人好興奮向樂迷獻唱煇黃經典之作,佢哋認真討論過好多次演唱歌單;作為新世代歌手嘅涂毓麟有機會參與演出覺得好榮幸,畢竟今次有機會同咁多前輩合作,所以佢心裡非常緊張。

 相關推薦

熱門搜尋