一連六集嘅《做節必食18 道菜》周一至周三晚上十點半翡翠台播出，因節目調動關係，本周將播出第三至五集，最後一集將於下周一（16日）晚10點半翡翠台播出。三位星廚黃亞保（保哥）、蕭秀香（三姐）及祈積奇（Jacques）今個星期繼續兵分三路，帶領唔同組別嘅嘉賓藝人，搜尋必食18道菜。何依婷搞爛Gag，搞到大家笑晒口。

今、明兩集，三姐同保哥分別帶領何依婷、劉穎鏇及何廣沛、郭子豪、余思霆，品嚐上海以及山東+四川嘅新春名菜，上海必食新春名菜為「蟹粉虎蝦」、「椒鹽八寶鴨」及「上海暖鍋」；山東+四川嘅必食新春名菜則有「山東全家福」、「水煮海鮮宴」及「燒椒脆皮百花雞」。上海人點解新年一定要食烤麩？今晚一集講你知。糟魚其實就係用香糟醃過嘅魚。劉穎鏇姐手姐腳，三姐同師傅都睇唔過眼出手相助。

今晚一集「是非精」何依婷及劉穎鏇難得合體，兩人貫徹嘈爆本色，為節目增添唔少熱鬧氣氛，是集依婷化身「問題兒童」，不停發問又大搞爛Gag，喺處理其中一樣食材「糟魚」時，依婷笑謂：「糟魚即係咩嚟？即係啲魚特別污糟？」令人哭笑不得，其實糟魚係香糟醃過嘅魚。劉穎鏇入廚遴遴迍迍。
另一位是非精劉穎鏇似乎平時較少入廚，無論係幫手切食材或包嘢，表現遴迍，要三姐同師傅出手相助，場面搞笑。兩位是非精更到南貨舖購買上海人新春必食嘅烤麩，到底烤麩有咩吉祥寓意？今晚一集講你聽！蟹粉虎蝦椒鹽八寶鴨上海暖鍋

聽晚嗰集則由何廣沛與余思霆齊齊挑戰刀工，二人各自將一整條嘅豬黃喉「改花刀」成蜈蚣形狀，其中思霆切得有模有樣，非常叻女，事後余思霆笑言：「我手工藝幾強，我嘅刀工係有啲天分。」

余思霆孖住何廣沛晒刀工。

是集其中一道菜係「醬香豆蟲」。思霆同廣沛見到啲蟲蟲樣都變埋，最後真係有食落口。
何廣沛坦言一啲唔簡單。除咗顯刀功，何廣沛同余思霆挑戰食蟲，是集其中一道菜係「醬香豆蟲」，首次食蟲嘅何廣沛鼓起勇氣一口咬下去兼直呼過癮：「有軟殼蟹嘅感覺。」思霆則指一入口個醬味好濃，咬吓咬吓都會滲咗少少蟲味出嚟。入廚房搞到好似入手術室咁，勁搞笑。山東全家福水煮海鮮宴燒椒脆皮百花雞

《做節必食18道菜》周一至三晚上十點半翡翠台播映

新劇《新聞女王》開拍以嚟備受關汪，呢日眾演員喺劇中嘅新聞中心列陣見傳媒，相當有氣勢。
今次喺劇中同馬國明演針鋒相對嘅死對頭，佘詩曼話相當有新鮮感，佢仲解構同馬明不和完全係因為要爭獨家新聞，阿佘又話今次演過呢個主播角色之後，更加敬佩一眾新聞工作者呀。

阿佘嘅演技不容置疑，但估唔到今次喺《新聞女王》入面，竟然會有戲份難倒佢‌，仲話自己拍完幾take之後都佘冇咩信心，要求導演再嚟多take呀！

有副天然呆樣嘅馬明，今次就要挑戰真人性格完全相反嘅陰濕小人角色，喺劇中仲為咗爭收視仲要成日密謀整死對手。而李施嬅亦分享佢個角色同自己有極大反差，雖然係為咗相做好新聞，但同時都極寸嘴，仲透露有場戲會捉住阿佘衫領狂鬧呀！

劇中演新聞小花嘅王敏奕同何依婷，就分別演阿佘同施嬅嘅徒弟，前者演一個思想單純樂天嘅女仔，而後者就扮演滿腹心計嘅人。

雖然劇中每日如戰場一樣，但劇外眾演員相處得相當融合，仲不時會輪流請食喇，阿佘更加係成日萬歲請食飯，鄧智堅、何廣沛就話佢哋嘅「基本」飯盒都配備龍蝦、花膠同海蔘，真係羨慕死人呀！不過坤哥吳業坤就相當葡萄，因為佢話每次阿佘請食大餐，自己當日都係冇通告冇緣品嚐呀！