J2再出世之後，就以唔同「女神」擔正各式綜藝節目，而下周一(16號)推出嘅全新旅遊節目 《自然系女子旅行》，將由曾主持《開餐：台灣3點3》嘅「港女」林映暉 擔任主持，仲邀請三大台灣女神擔任嘉賓，同暉哥拍住上探索台灣解封後嘅好去處。

秉承J2女神有顏值兼有實力嘅宗旨，三大台灣嘉賓女神都係「猛料」之人，當中包括喺台灣人氣爆燈， IG Followers超越140萬嘅「啦啦隊女神」林襄。林襄係台灣職棒啦啦隊「樂天女孩」嘅人氣成員，擁有32E魔鬼身材嘅佢擁有天使面孔，身為宅男女神之餘冧Fans更加相當拿 手，不時喺IG大派福利！

林襄同暉哥會喺新節目帶大家周遊台灣
過去一年對林襄嚟講絕對係豐收年，日前佢喺社交平台回顧舊年最受歡迎嘅9個Post，排名第一嘅共吸17.8萬Likes，而2022年所有Post加埋仲有超過1150萬個Likes，足見佢深受網友喜愛。

對於驚喜「胸」降J2，林襄就笑言：「主要是很想要介紹自己生長的土地給香港襄民。」 今次佢同暉哥喺《自然系》，以山海為主場進行療癒之旅，早前公開嘅預告當中，除咗會有大自然Yoga、營火Camping之陫，最震撼眼球嘅仲有林襄同暉哥齊齊浸溫泉嘅畫面，絕對係透過螢幕都可以感受到「治癒感」。

佢哋仲會大解放一齊浸溫泉
除咗浸溫泉之外，林襄亦會獻出多個「第一次」，好似住露營車過夜、射箭、BBQ燒棉花糖仲有同小動物互動。愛心爆棚嘅佢為咗安撫羊駝，仲肉緊送上愛的抱抱，事後佢仲話：「在宜蘭露營時園區有羊駝，是我第一次跟羊駝近距離接觸，本來以為會被羊駝吐口水，沒想到羊駝超親人，還靠在我胸膛撒嬌！」

唔使諗喇，這些機會不是大家的

《自然系女子旅行》1月16號起 星期一至五晚 22:30 J2

J2今年初推出台灣旅行節目《自然系女子旅行》深受觀眾喜愛，主持們許願希望衝出台灣，呢次終於願望成真，張雅涵同「暉哥」林映暉呢日現身台灣機場，準備前往日本富山縣取景。

二人經歷上次合作，建立深厚友誼且默契十足，張雅涵首次接拍海外旅遊節目，得知此事有啲緊張，幸好有暉哥做拍檔，頓時覺得好安心，暉哥今次用心計劃行程表，準備成箱行李都係「性感戰衣」！