日本型格男星 山下智久 喺最近播出嘅串流劇集新一季背部全裸出現，結實肌肉令女直心心眼男士亦都非常眼紅，亦除咗新劇之外，佢亦同時接拍咗新廣告，更係開正佢最愛嗰瓣，可以邊開工邊焗桑拿呀。

雖然今次未有再大騷肌，不過佢就分享自己平時會借焗桑拿出身汗舒解疲勞，佢仲同廣告中嘅演員猛Share焗一焗有幾爽，而大家亦都一齊分享平時嘅消閒興趣。

廣告中嘅佢又要扮演一個好似完全狀況之外嘅人，對朋友之間嘅對話內容完全聽唔明一舊雲咁，佢就話如果現實中遇到咁嘅情況，一定會即時開口問到明為止喇。佢仲話希望同家人朋友都有愉快嘅新一年，更加會積極擴闊自己嘅世界咁話呀。