楊紫瓊大熱獲金球獎音樂喜劇類最佳女主角 關繼威優異演出獲男配角獎

去年因為種種問題令星光黯淡嘅金球獎，香港時間今晨舉行第80屆頒獎禮， 楊紫瓊 繼日前因為《奇異女俠玩救宇宙》嘅演出，獲得美國國家影評人學會影后之後，一如所料以大熱姿態獲得音樂喜劇類最佳女主角。

Michelle喺領獎時指從影40年嘅旅程非常豐富，喺得獎感言尚未講完現場響起音樂催促嘅一刻，仲幽默話自己可以片中武功郁手收拾催佢嘅幕後人員，引得現場笑聲四起。

華裔男星 關繼威 亦因為同一部電影演出而獲得最佳男配角獎，奮鬥多年嘅佢喺台上向名導 史提芬史匹堡給予自己第一次機會，更加感觸落淚。

(Instagram圖片)