草蜢3月台灣開騷 點名希望周杰倫Alin蔡依林能捧場

草蜢3月台灣開騷 點名希望周杰倫Alin蔡依林能捧場

草蜢今年3月會喺台北小巨蛋舉行巡視演唱會,呢日佢哋就飛到台灣宣傳。相隔13年再次重返小巨蛋,佢哋3個都話相當興奮,蔡一智仲話因為之前疫情冇咩機會去台灣同啲新生代歌手交流,所以佢希望今次大家可以嚟睇佢哋演唱會交流一下,仲笑言叫大家要主動啲,等佢哋可以識多嘅新朋友呀。而蘇志威就點名希望哈林、周杰倫呢啲老朋友可以哋睇佢哋嘅演唱會,阿智仲話因為之前周董幫佢哋寫過一首歌,當時冇好好咁多謝對方,所以如果呢次佢嚟,一定智留返個最佳位置畀對方欣賞咁話。蔡一傑就指自己好欣賞A-Lin同Jolin,所以希望到時兩位都可以嚟捧場。

講到入行多年身材同樣貌都keep得好好,傑仔就直認佢哋係相當貪靚,所以經常都會去美容院做facial,佢哋3個又話因為平日都有操練開,所以六嚿腹肌呢啲都係碎料呀。有傳媒問到佢哋3子有冇諗過會唱到哪一天?草蜢3子都話因為佢哋太鍾意音樂,所以會唱到直到佢哋唱唔到為止呀。

歌神學友病癒重返舞台 台北站門票下周發售

歌神 張學友 正為佢嘅「60+巡迴演唱會」於唔同城市巡迴,自去年起已經演出逾百場嘅學友,月初時因為感染新冠病毒而需要取消上海其中3場演出,不過事後亦宣佈向歌迷退票、火車機票甚至酒店亦統統補償,令歌迷雖然失望亦感到學友同主辦單位嘅誠意,仲被封為「完美偶像」。

早前因為感染新冠而取消部份演出嘅學友,處理手法備受讚賞

休息後病癒嘅學友日前已經重返舞台,繼續上海站演出,外界對佢嘅表現當然會非常注視,而學友亦以一貫極高品質完成證明自己已經完全康復。

今次巡迴暫時已經安排到8月,而5月底就會移師台北;睽違7年之後第5度於當地開騷,6場演出門票下星期起公開發售。

主辦單位宣佈,5月底台北站門票下星期公開發售

有歌神之稱嘅學友踏入歌壇逾40年,今次「60+巡迴演唱會已經係佢入行以來第10次個人巡唱,早喺1995年的「友學友演唱會」演出已經有破百場紀錄,到2016年嘅「學友・經典演唱會」更寫下233嘅驚人場數紀錄。

雖然場次無人能及,不過學友就坦言從未將破紀錄當成開演唱會嘅目標,又指會盡自己所能做好每一場表演。學友又笑稱自己雖然不再年輕,不過對表演依然熱愛:「雖然年紀大咗,不過我相喺人生唔同階段都可以呈現唔同嘅美,做出適合自己年齡嘅精彩演出。」

學友認為雖然年紀漸長,不過深愛唱歌同表演嘅佢會繼續唱落去

 相關推薦

熱門搜尋