農曆新年就嚟到，大家又要忙住換新鈔嚟封利是喇！不過以前每年要用成過百個利是封嚟封利是嘅Grace陳凱琳，就話今年終於可以環保啲改派E利是！因為佢同馬天佑Mayao最近一齊為一間銀行拍攝新年企業電子利是廣告，同大家介紹e利是的好處。

身為星級形象顧問公司老闆嘅Mayao，就話適逢佢公司創辦十周年，所以即使今年佢新年期間會外遊，都會喺吉日為員工們派發多封過萬蚊開工e利是，以答謝員工們嘅努力。聽到馬老闆出手咁闊綽，Grace就笑言想即刻成為對方公司嘅員工，又話要幫兩個囝囝同Mayao拜年𢭃封大利是呀！

今年Y2K潮流再次點歸，而向來有時尚觸角嘅 Mayao馬天佑 ，去年就已經趕上呢股千禧熱，邀請咗六位千禧年代女歌手 張燊悅 、 趙頌茹、 何嘉莉 、 谷祖琳 、 關心妍 同 歐倩怡 ，舉行《Reinvention 衫．重奏》演唱會。
當晚趙頌茹（右）及何嘉莉（左）穿上Y2K年代的服裝又唱又跳。馬天佑近日上載去年《Reinvention 衫．重奏》演唱會的演出片段到YouTube上。小谷亦是當晚演出嘉賓之一。
近日Mayao終於將當日《衫．重奏》嘅演出片段剪輯好上載到YouTube，佢話估唔到咁快就過咗一年，仲話自己一直陸陸續續咁剪緊啲片，因為想花多啲心機做好件事，所以中間改過好多次，為嘅都係想大家可以喺網上重新感受到當晚嘅氣氛。Mayao又透露將會每日放送演唱會片段，等樂迷們可以回顧Y2K年代嘅廣東歌呀。

而除咁重温經典去年嘅演出外，Mayao亦透露將會喺明年推出新歌同再舉行演唱會，仲預告個演唱會都係會與不同嘅女歌手一齊演出，叫一眾樂迷拭目以待呀！

張新悅點解會攬住馬天佑喊？大家要去馬天佑個channel度重溫當晚嘅片段喇！