TVB綜藝歌唱真人騷《中年好聲音》逢周日晚九點半翡翠台播映，本周日播出第7集《中年好聲音》，將進行第三部曲《團戰！影視金曲生死鬥！》，晉級26位選手將分成六組進行比賽，第三部曲嘅評分形式由「派燈」改為「畀分」，四大專業評審肥媽、周國豐、張佳添、伍仲衡，以及嘉賓評判彭健新每組最高可以給予20分，每組總分為100分。《今宵多珍重》吳大強（隊長）、馮志豪、龍婷、應德榮、李佳《年少無知》劉智衛（隊長）、區俊傑、柳冕、羅金榮《燕尾蝶》丁文俊（隊長）、曹敏寶、顏志恒、魏嘉信、周吉佩《心急人上》梁浩銓（隊長）、支嚳儀、李泇霖、何博文《女神》林鉫徫（隊長）、陳早怡、羅啟豪、鮑聖光《領悟》涂家堯（隊長）、李思林、彭澤英、梁愷庭比賽完成後，六組之中奪得最高分兩組將全員自動晉級，最低分兩組將有兩位成員被淘汰，另外兩組則各會被淘汰一名成員，淘汰決定權掌握喺五大評審及星級導師林二汶手上。左起：應德榮、龍婷、李佳、馮志豪、吳大強

為咗從評審手上爭奪最高分，六組可謂各出奇謀，除咗以唔同色系服裝配搭踏上舞台，更加入不少舞蹈及話劇等元素，務求令演出更見立體，可惜唔少組別均因「顧此失彼」失卻分數，引發肥媽與伍仲衡針鋒相對！左起：李泇霖、何博文、梁浩銓、支嚳儀肥媽同伍仲衡（右）因為呢個表演針鋒相對。

事緣擁有3位五燈選手嘅《心急人上》組，原以為「坐定笠六」，豈料因為演唱風格各異，排練時陷入危機，一度激嬲二汶發火鬧人：「你哋下一次機會就係正式比賽，所以上次度嘅嘢點解唔做呢？同埋改（咗）嘢點解唔講呢？」雖然演唱水準不像預期穩定，但四位組員獻唱時表現異常入戲，更加插拋媚眼及舞蹈元素，成功炒熱氣氛。
（左起）涂家堯、李思林、彭澤英、梁愷庭

張佳添及周國豐因而給予極高評價及分數，唯獨伍仲衡卻大感不滿：「佢哋演技係非常好，但我哋節目唔係中年好演技吖嘛，係中年好聲音！所以一定要我合埋眼你感動到我。」肥媽聞言即插嘴：「人哋唔係專業㗎！又要畀你睇、又要唱埋畀你聽，唔好咁高要求啦！」伍仲衡即黑面反擊：「呢個比賽嚟㗎嘛，冇要求我坐喺度做咩呀？」現場散出濃烈火藥味。

（左起）劉智衛、區俊傑、柳冕、羅金榮

是次各組組合相當有趣，由於係自由組隊，最終出現「五燈選手」分配不平均現象，其中《年少無知》係唯一一組冇五燈選手「加持」嘅組合，《燕尾蝶》組則共有四名五燈選手，五燈比例高達八成，不過五燈選手並非萬能，以鮑聖光為例，雖然頭兩個回合均得到五燈好成績，不過呢次鮑聖光卻面臨重大危機。
（左起）鮑聖光、林鉫徫、陳早怡、羅啟豪

皆因之前喺林二汶「慫恿」下，鮑聖光加入自己並唔熟悉嘅《女神》組，結果單係背誦歌詞已大感吃力，唱歌水準亦受到影響，不勝壓力嘅鮑聖光，出戰前更一度向鏡頭含淚自責：「坦白講我驚會拖累佢哋。」到底鮑聖光最終係成就「女神」、定係拖垮「女神」？其他五燈選手又會繼續保持水準定係意外滑鐵盧？據知，是集有令人驚艷嘅黑馬跑出，周國豐及肥媽相當肉緊，到底「最強黑馬」誰屬？密切留意本周日晚播映嘅《中年好聲音》。
（左起）周吉佩、曹敏寶、丁文俊、魏嘉信、顏志恒

《中年好聲音》本周日晚9點半翡翠台播映

《中年好聲音》早前在一個商場宣傳，公布即將舉行演唱會，周吉佩、羅啟豪、龍婷、支嚳儀、吳大強、梁浩銓、顏志恒、涂家堯、林鉫徫、丁文俊、李思林、鮑聖光及李佳談準備及希望演出項目更稱已著手撲飛，一眾粉絲商場支持偶像；伍仲衡、車婉婉現場為選手們打氣，對學員能舉行演唱會感興奮。