李炳憲攜妻現身香港 出席練馬師羅富全囝囝婚禮

李炳憲攜妻現身香港 出席練馬師羅富全囝囝婚禮

韓國型男李炳憲呢晚同太太李珉廷喺香港現身,原來佢哋係專程飛嚟香港,出席練馬師羅富全嘅囝囝羅峻濼同太太Karen嘅婚宴!喺晚宴上,李珉廷不時同老公李炳憲臉貼臉自拍,而李炳憲當然全程配合,恩愛程度完全唔輸一對新人!

除咗李炳憲夫婦之外,呢晚仲有唔少圈中人同政商界名人都係坐上客。一對新人接受訪問時,新娘子Karen話最感動嘅係老爺羅富全嘅致詞,另外佢又多謝佢嘅好友李炳憲專程同太太飛嚟香港飲佢呢餐,問到Karen係點同李炳憲認識?佢就話以經係太耐之前嘅事,所以自己已經唔記得喇,但Karen話平日都會同李生李太敍下,好似上年11月先飛咗去韓國同佢兩公婆食飯呀。講到婚後係咪會努力造人?羅峻濼就話會盡力,至於婚後嘅蜜月之旅,Karen就透露佢哋未有計劃,但就指2月會陪老公去悉尼揀馬呀!

至於新老爺、有「馬場沈震軒」之稱嘅練馬師羅富全,就話非常滿意新抱仔,佢又寄語囝囝羅峻濼要家庭至上、愛錫太太,唔好有太大負擔,最重要係生返幾個小朋友畀佢湊下呀!

而張寶兒嘅妹妹張寶欣,呢晚就擔任新娘子Karen嘅姐妹團,見到好朋友搵到好歸宿,張寶欣就話非常感動呀,仲話自己喺朝早見到一對新人敬茶嘅時候,已經忍唔住眼濕濕,張寶欣又祝一對新人白頭偕老、早生貴子呀。講起生BB,張寶欣就話自己好想快啲聽到家姐張寶兒有好消息,但就指呢啲都係自己想,一切都要睇家姐姐夫嘅決定呀。

麥明詩結婚|波波發文多謝啟蒙老師:你永遠係我最欣賞的女性

麥明詩日前出閣升呢做人妻,廣邀圈中好友出席,場面十分熱鬧。新一代「無綫咪神」黃婧靈(波波)與「十優港姐」Louisa,始於J2節目《#後生仔傾吓偈》合作當主持,二人因而建立深厚的友誼。

波波事後更新社交平台,並寫上感性長文,多謝Louisa這位啟蒙老師:「特別係你的心態與行為舉止,無論你係咪香港小姐冠軍,你媽咪都把你栽培成香港女性的典範,你永遠係我最欣賞嘅女性和啟蒙老師。」波波更因為Louisa好學的影響,努力考上大學,順利畢業。

波波接受其他傳媒訪問時,引述關於Louisa的往事:「當時一齊去日本拍節目,上機前突然唔見咗佢,到佢返嚟就見佢手上拎住幾本書,問佢仲咩上機仲買書,佢就話要學多啲嘢,先可以喺節目講多啲嘢,我當刻覺得一個『10優』女仔都繼續讀書,咁我更加應該要好勤力,自此之後我就好努力讀書,後來成功考上大學,之後都有同佢講番件事。」

圖片來源:波波IG

友誼的小船

 相關推薦

熱門搜尋