獎門人新春感謝祭|元老林曉峰回歸主持 何超蓮舉手參加破分手傳聞

獎門人新春感謝祭|元老林曉峰回歸主持 何超蓮舉手參加破分手傳聞

賀年特別版《獎門人新春感謝祭》今晚播出,除咗有「獎門人」曾志偉,同五位「獎老」之外,仲有「元老級獎老」林曉峰 回歸擔任主持,而嘉賓就分別有「兔兔收得隊」嘅 何超蓮 陳瀅 王灝兒 加上《聲夢傳奇2》亞軍 黃洛妍 畢業生 侯雋熙 文佐匡 陳昊廷 ,以及「美女猛獸隊」嘅余思霆 陳嘉慧 彭慧中同 陳星妤(前名陳聖瑜)。

兔兔收得隊

美女猛獸隊

除咗玩遊戲之外,佢哋又為觀眾揀筍貨,希望觀眾都可以以超筍「獎門人新春感謝價」辦年貨過年。

「兔兔收得隊」成員食「辣壽桃包」嘅痛苦表情

今集嘉賓美女如雲,好似已故賭王千金 何超蓮 首度現身《獎門人》, 自薦上陣嘅佢全程傾盡全力,毫不介意食「辣壽桃包」兼濕身,喺「口噏噏」環節仲因誤會JW講粗口,搞到一頭霧水 「天然呆」,令全場爆笑。



超蓮玩「口噏噏」時以為 JW 爆粗,令佢瞬間「天然呆」。

有「鑽石級女神」大駕光臨,現場男士唔少都變成「怕醜綿羊仔」,好似「坐波波」環節時,負責夾實氣球嘅Sean同Timothy埋位已經面青青,超蓮仲忍唔住話:「做咩啫?!我依家好 恐怖咩?」話口未完獎門人就無預警衝前坐爆Sean大腿上嘅汽球,為超蓮作親身示範。之後超蓮來回跑跑跳跳,搞到索晒氣兼大嗌「腳軟」,獎門亦再出手「怒坐」Timothy向超蓮傳授秘技,場面搞笑。


超蓮落力玩「坐波波」。
其後上陣嘅JW就施展「魚躍龍門」雙腳離地彈跳坐爆波,衝擊力勁到Sean同Duncan都面容扭曲好似受刑咁,前者見JW飛撲一刻仲恐慌到大聲慘叫!身材嬌小嘅JW又被獎老們連環攻擊,先係「排排坐」期間被阿Lo暗寸:「有個別嘉賓企喺度,我又唔覺企喺度。」 之後玩「開口中」時,JW向獎門人報寸被程浩駿從後偷襲掟Cream,點知獲准還擊嘅佢又不敵「高人」程浩駿嘲諷:「你夠唔夠高架?」激到JW怒「抆」Cream報仇。呢集仲有人「冧莊」連續開口中,搞到兩次受罰面目全非變成「雪人」,非常黑仔呀。


兩位靚女陳瀅、陳星妤(左)鬥啜波,畫面養眼。「美女猛獸隊」成員都有全 Team 受罰
《獎門人新春感謝祭》今晚20:30 翡翠台

四太梁安琪分享生日願望 林柏宏初訪澳門必嚐蛋撻

趙露思、申惠善、陳凱琳、琦琦、林柏宏、玉澤演、常華森、霍震霆、霍啟山同何鴻燊家族成員何超瓊、何超鳳、梁安琪、何超雲、何超蓮、何猷啟、何猷亨、何猷君、奚夢瑤同何超欣出席澳門一間酒店開幕禮,呢日適逢係四太梁安琪正日生日,佢話最希望大家身體健康,亦希望旅遊業可以更旺。身為酒店主題品牌全球大使嘅趙露思,就表現得好親民,佢仲同守候多時嘅粉絲打招呼呀!
  
首次到訪澳門嘅林柏宏,事前就做足功課,話一定要品嚐呢度嘅蛋撻,至於十年前曾經嚟過澳門嘅玉澤演,就話一定會把握機會嘆吓美食休息下,而嚟緊佢話有啲工作洽談中,但現階段要保密,所以唔可以透露太多!

 相關推薦

熱門搜尋