林俊傑演唱會優先訂購2分鐘賣晒 欠落中港台好友海量飛債

林俊傑演唱會優先訂購2分鐘賣晒 欠落中港台好友海量飛債

林俊傑JJ早前宣佈3月嚟香港舉行《JJ林俊傑 JJ20 世界巡迴演唱會》香港站,由於防疫措施放寛嘅關係,所以JJ嚟港開騷消息一出,佢中港台三地嘅圈中好友都話要嚟香港睇佢演出!

可能太耐冇喺香港開騷,所以16號嘅優先訂購開賣短短2分鐘,就已經全數售罄,相信大家17號真係要較定鬧鐘,喺正式開賣日準時搶飛喇!而由於今次JJ香港站只開兩場,加上又有咁多好友話要嚟捧場,所以相信爭落唔少飛債嘅JJ應該相當頭痕!

今次演唱會係JJ為慶祝自己加入樂壇20周年而舉行,20年對JJ嚟講係個唔容易嘅里程碑,對於呢次巡演JJ更加係充滿期待與重視,佢直言一路走來嘅感覺有點夢幻,更加希望將呢次演唱會打造成屬於歌迷嘅夢幻旅程,而為咗今次世界巡迴演唱會,JJ更加係創作咗主題曲〈7千3百多天〉,用嚟紀錄佢呢20年以嚟喺音樂上嘅創作堅持。而有鑒於JJ已有多年無見過香港樂迷,所以佢特意將香港站嘅歌單增至40首,以歌答謝歌迷喺呢20年來嘅相伴,而演唱會開始時間亦會提早1個鐘喺19:00 舉行,等樂迷有足夠時間享受JJ為大家設計嘅音樂旅程。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋