由謝雪心、蔡國威、梁凱晴及阮嘉敏擔任主持、一連六集嘅賀年節目《新春開運王》，今（17日）晚起逢周一至周三晚上十點半翡翠台播出，《新春開運王》每集邀請唔同藝人擔任嘉賓，仲有邀請玄學家李丞責、麥玲玲、陳定幫及元海為大家指點迷津，各師傅將帶大家遊走香港各個風水寶地行大運、食遍開運菜及分享兔年十二生肖運程。《新春開運王》又嚟喇！蔡國威（左起）、謝雪心、麥玲玲、李丞責、陳定幫、梁凱晴戴耀明被批命格極端
今（17日）晚呢集，有久違嘅朱咪咪擔任嘉賓主持，由麥玲玲師傅帶領大家去中環行大運。玲玲師傅指坐南向北嘅中環屬純陽之地，理應旺日唔旺夜，而夜夜笙歌嘅蘭桂坊卻恰好相反，箇中甚有玄機。玲玲師傅話皇后像廣場係香港龍脈聚水之地，大家又知唔知呢？第一集有朱咪咪做嘉賓主持。玲玲師傅帶大家去中環行大運。點解蘭桂坊喺正「純陽之地」中環都仲可以夜夜笙歌咁熱鬧？玲玲師傅話皇后像廣場係香港龍脈聚水之地，大家又知唔知呢？

「新春開運菜」環節則搵嚟視帝譚俊彥（Shaun）、綠葉王戴耀明呢對好兄弟擔任嘉賓，二人當年因拍攝《天命》結緣成為好友，玲玲師傅指命格多金嘅譚俊彥係義氣仔女，年沖月又沖嘅小明則命格較為極端，適宜「走多啲」及「越唔穩定運就會越好」；惟小明多年來因一個原因一直安份守己。戴耀明兔年適宜做重大決定。譚俊彥被批命格多金，係一個重義氣嘅人。譚俊彥同戴耀明老友鬼鬼。

譚俊彥喺節目中將揭開箇中因由，背後大有洋蔥！玲玲師傅又指小明於兔年將遇上60年一次嘅「天合地合」，適宜作重大決定，到底相關決定係咪與結婚有關？譚俊彥生命中更出現咗一個重要嘅貴人，助佢由運程平平變得一帆風順，究竟呢個貴人係邊個？就要密切留意！丞丞師傅帶大家遊流浮山。賞魚原來都有特別寓意。BBQ亦都有特別寓意。

聽晚呢集繼續由朱咪咪擔任嘉賓主持，並由李丞責師傅帶大家到流浮山賞花、賞錦鯉、觀鳥同BBQ，原來上述活動皆有助提升運勢。丞丞師傅更會帶大家於香港尋龍點穴，兼摸真‧龍骨沾沾旺氣，相當過癮。仲會帶大家去摸真．龍骨。

聽晚嗰集視后胡定欣與好姊妹姚子羚將一同享用「新春開運菜」，透過揀食品及寫揮春讓丞丞師傅預測兔年運程。兩位靚女來年事業運相當唔錯，惟姻緣各異，其中一人被批情路上仍須努力，另一人則兩心連結，到底係邊個感情有着落？記得留意《新春開運王》。胡定欣孖住好姊妹姚子羚食好東西。定欣兔年會唔會遇到真命天子？子羚嘅情路又點呢？

《新春開運王》逢周一至三晚上十點半翡翠台播映
元海師傅教大家喺辦公室揀靚位。元海師傅教大家家居佈陣。

移居加拿大多年嘅 林嘉華 不時都會返港參與唔同劇集拍攝，而近日TVB幾位藝人到加拿大宣傳，嘉華哥就同佢哋喜相逢喇。 譚俊彥 姚子羚 袁偉豪 同 蔡思貝 近日喺加拿大宣傳，亦出席當地電視台舉辦嘅節目，嘉華哥曾喺《十八年後的終極告白》、《燦爛的外母》仲有《飛虎》同Shaun、子尊同埋阿Ben合作，呢日佢就喺社交平台Post出大家嘅合旺照喇。

阿Ben、思貝、阿Shaun同子羚近日喺加拿大宣傳，早前移居當地嘅章志文亦現身擔任主持

雖然因為老友行程緊密未能盡地主之誼再相約共聚，不過嘉華哥都把握機會同佢哋喺表演前合照留念，仲同近日喺熱播劇《一舞傾城》扮演Michelle嘅子羚雞啄唔斷，唔通想率先知道之後嘅劇情？

嘉華哥同子羚密七斟，唔知係咪八卦《一舞傾城》嘅劇情發展呢？