Chantel再拍電子利是廣告與JNYBeatz合作唱新歌

娛樂新聞

2023-01-18 13:30

Chantel繼往年之後，兔年來臨之際再度拍攝電子利是廣告，仲同新拍檔 JNYBeatz 合作演出，又有新合唱歌，喺廣告又唱又跳，帶動新年嘅歡樂氣氛。而 Chantel 今次仲化身小師姐，同首次拍廣告嘅JNY一次出鏡，難怪對方話感覺興奮又新鮮喇。

防疫措施放寬之後，唔少人都打算外遊過新年，而JNY就話會留港同家人度過，因為過往幾年都缺少拜年嘅重要時光，所以今年就要「狂派」喇。

而Chantel聽到已經身為爸爸輩嘅JNY咁講，亦都大賣口乖，話收到電子利是會一樣開心咁話呀。唔少藝人都會為咗意頭派開工利是，而Chantel原來舊年起已經開始，不過就以自製曲奇餅代替錢喇。

廣末涼子飲啤酒表情自然拍檔江口洋介大讚表現

娛樂新聞

2023-05-29 11:30

日本廣告創意有趣全球知名，近日森田一義江口洋介同廣末涼子就合作拍攝一個啤酒廣告，但係掀起討論並非因為當中嘅CG或者特別故事，而係因為廣末涼子大啖啤酒之時嘅自然反應，就連拍檔江口洋介都大讚呀。

至於同廣末已經好耐冇見嘅森田，呢日就驚嘆歲月流逝，當年嘅小妹妹已經早為人母喇。雖然做咗媽媽，不過廣末就話更加需要有Me Time放鬆，平時就會同其他媽媽約埋飲返杯小酌一下喇。

而經常拍劇嘅江口，就話夏天完成外景之後，同拍檔工作人員飲返杯係一大享受，即將開騷嘅佢仲話綵排完之後一樣要飲返杯呀。