陳柏宇首登日本音樂平台演出 重大壓力下唱《你瞞我瞞》

陳柏宇首登日本音樂平台演出 重大壓力下唱《你瞞我瞞》

陳柏宇成為首位香港歌手登上日本大型音樂平台演出,片段喺線上上架後,點擊爆燈,得到大眾好評,創造歷史一刻,陳柏宇都好興奮,呢日同一眾fans睇演出片段,以及分享日本工作嘅心情。

陳柏宇坦言非常緊張,本身去日本工作係開心,陳柏宇好鍾意呢個地方,後來得知要拍《THE FIRST TAKE》,頓時覺得心情好緊張,嗰個環境嘅容錯度低啲,陳柏宇表示:「冇乜因為係第一個香港歌手呢件事,令到去《THE FIRST TAKE》唱歌有唔同感覺,我覺得唔係我,都會有第二個,我自己去,就係擴闊自己視野,一定係挑戰自己在好大壓力之下,演出嘅能力。」

呢次陳柏宇選擇將舊歌重新改編演繹《你瞞我瞞》,明顯唱出另一番味道,連佢自己都意想不到,佢笑言有幻想吓有機會開拓日本市場,若果真係有呢個機會,佢會好好把握去試一試,陳柏宇想去日本造歌及生活幾個月,做宣傳同創作,陳柏宇今次赴日公幹,亦有抽時間周圍去行吓玩吓!

Edward Chan作品展丨陳柏宇演出時不慎扭傷 即晚社交平台報平安

Edward Chan一連兩場作品展3月23號晚起舉行, 陳柏宇 薛凱琪 方皓玟 衛蘭 周柏豪 林一峰 等歌手助陣獻唱,不過Jason喺作品展尾段獻唱陳奕迅歌曲《忘記歌詞》時,突然喺台上樓梯跌倒,但專業嘅佢高呼一句「無事」,就跪喺地下忍痛繼續獻唱,到中段左右再嘗試企起身,演出後就到後台治理同坐輪椅離開會場。

事後佢亦喺社交平台報平安。Edward Chan話自己當時彈奏緊,無留意到Jason發生意外,仲以為對方嗰句「無事」係話個騷到尾聲,放心演出。事後知道Jason跌傷就到後台了解,佢話見到救護員檢查Jason隻腳,而Jason仍然有講有笑,據知Jason同樂手打招呼而無留意地面高低跌倒,檢查話無骨折,希望24號晚場次可以再嚟獻唱。

Edward Chan悉心安排全晚歌曲流程,亦全程伴奏,佢話心情唔緊張,但係要走到幕前演出就唔係好慣,雖然見慣大場面,但佢覺得喺過萬名觀眾前演出,係另一回事。雖然頭場遇上意外,Edward Chan仍然滿意成績,更學識喺現場演出時,如果遇到突發事都要顧好自己演奏音樂,其他事留畀團隊協助。

熱門搜尋