由 甄子丹 監製、導演兼親自演出;改編自金庸名著嘅武俠電影舉行慈善首映, 丹爺 同太太 汪詩詩 呂良偉 張兆輝 同 王君馨 等為新片一齊現身。丹爺今次除咗打鬥連場之外,又要同時顧及製作,就令佢比其他演出忙上加忙喇。
佢又話台前幕後都為新片非常落力,所以呢日就要公開感謝大家喇。至於多年來金庸作品多次被改編,難免會被外界比較,但係丹爺就話每一部作品都有唔同特質,不過佢本人就希望拍攝一套金庸同武俠片迷都同樣感到滿意之作呀。
呂哥同輝哥喺片中都有唔少動作場面,加上佢哋嘅沉厚演技,一定令新作更為吸引喇。佢哋仲話一直盡力上陣演出,輝哥仲爆呂哥狀態一流呀。
而王君馨嘅拳腳過往劇集都睇唔少,今次演出心狠手辣角色嘅佢,仲有大尺度演出,但係令佢擔心嘅就唔係尺度問題,而係自己嘅對白講得唔夠好喇。
登入後即可查看我的收藏
登入後即可查看瀏覽記錄