自然系女子旅行丨啦啦隊女神林襄愛浸浴 與暉哥去仙境住帳篷

全新旅遊節目《自然系女子旅行》由「暉哥」林映暉主持，仲邀請到三大台灣女神「啦啦隊女神」林襄、「樂天女孩」張雅涵同「音樂系女神」 黃上晏做嘉賓。

打頭陣出場嘅「啦啦隊女神」林襄，擁有32E身材加上無邪嘅天然呆，迷到萬千少男。喺17號晚播出嘅一集，暉哥就帶住林襄去到南投鹿谷、每次只會接收 55 位旅客嘅生態園區。林襄話由於自己好鍾意浸浴，所以佢好着重酒店都嘅浴室，一定要有浴缸嘅，聽到林襄咁鍾意浸浴，節目組當然識做啦！

而18號晚播出嘅一集，林襄就同暉哥去到新竹海拔 1,180 公尺嘅營區住帳篷，每朝起身都好似去咗仙境一樣，當林襄去到帳幕外，就已經急急日腳除鞋入內，而營主就為咗佢哋預備咗迎賓下午茶。兩人食飽後就去射箭場比拼，贏咗嗰個喺當晚睡覺時可獨家享暖氣，到底最終邊個贏？就要留意節目啦。

全新旅遊節目《自然系女子旅行》J2