(國語)肥媽教煮賀年菜 各國料理皆可入饌

(國語)肥媽教煮賀年菜 各國料理皆可入饌

麻雀樂團|李佳芯孖譚俊彥合作喜劇 郭柏姸為角色苦練大提琴

TVB新劇《麻雀樂團》呢日試造型,新作集合視帝 譚俊彥 視后 李佳芯 ,仲有老戲骨 姜大衞 (John哥) 郭柏姸 謝東閔 黃庭鋒 等演出,組合卡士充滿新鮮感。甚少接拍喜劇嘅Shaun雖然同John哥多次合作,但就指今次極有火花,笑言要向喜劇前輩學習,John哥聞言話:「後輩你學嘢啦﹗」而Ali則自稱喺劇中輩份最低,只係幫John哥打工,處理財政同小朋友問題,但就被Shaun笑財政大神先係最話得事。

Ali同Rosita同樣剪咗一頭清新短髮造型亮相,令人眼前一亮,Rosita仲為咗演好角色特登苦練大提琴,呢日記者會佢就夥拍一班專業演奏家一同奏樂喇。Rosita早喺一年前已經開始準備角色,但期間到台灣拍攝《尋找世界另一個我台灣篇》時不慎整傷手,之後又要進入《飛常日誌》劇組,自然將學咗嘅技巧都拋諸腦後,近日開劇日子逼近,就密密練習。而真實身份係小提琴演奏家嘅 黃洛妍 亦有份喺劇中樂團拉小提琴。

謝東閔喺劇中會飾演一位國際級嘅知名指揮家,由於完全不屬自己範疇,要加倍努力去做準備,佢都有向Janees偷師取經。而黃庭鋒同胡敏芝飾演兩兄妹,兩人找到真實共通點喺同月相差一日生日。

此外,資深演員陳狄克日前因病離世,John哥與好友由武師年代認識,至今50幾年,兩人曾經合作多部作品,消息令John哥感到非常突然。而經常合作嘅Shaun亦望前輩一路好走。

 相關推薦

熱門搜尋