斷網丨鄭保瑞稱罪犯轉到網上犯罪 有感港產動作片都要轉移陣地

近年越嚟越多網絡罪案，唔少犯罪份子都變成喺網上犯案。而由郭富城、任達華、林家棟、賴雅妍等主演嘅新片《斷網》，亦係以網絡犯罪作為題材，戲中飾演電腦奇才嘅郭富城，被逼捲入網絡世界嘅犯罪旋渦，同林家棟、任達華互相角力。

身為電影監製嘅鄭保瑞，就話而家啲賊已經進步咗，唔再係拎住AK47、手槍去打劫銀行金鋪，佢話：「現今犯罪案件，已由線下轉而線上，他們已轉移網絡世界犯罪，所以我們港產動作片同樣亦要轉移『陣地』。電影《斷網》亦嘗試具體呈現駭客如何入侵國際金融，呈現這個犯罪網絡世界。」而導演黃慶勳亦指現今世代犯罪非常簡單，只需在撳個Enter掣就得，佢仲話網絡世界其實非常危險，所以佢同鄭保瑞都希望可以透過呢套戲，令觀眾警覺網絡危機隨時在身邊發生。

《斷網》最近釋出最新海報，4位主演郭富城、林家棟、任達華同賴雅妍，各人嘅造型照分別結合網絡虛擬背景，而海報背後就隱藏咗各人意向同舉動。