[獨家]芊芊蔓蔓新年又再合體 可愛拜年打扮拍宣傳片

因為《下流上車族》嘅演出而廣受歡迎嘅芊蔓姊妹花 郭柏姸 同 羅毓儀 ，呢日又再次合體拍攝宣傳片，佢哋仲以可愛到爆嘅拜年打扮現身非常應節，大家又覺得佢哋呢個打扮定係劇中嘅女僕造型Cute啲呢？

呢日除咗念對白之外，Rosita仲要唱歌曬魔音，仲話呢次係接受突擊唱歌測驗，身邊嘅細妹Yuki笑成咁又眼仔碌碌，似乎對搵到個好位可以笑家姐非常滿意，而Rosita就話之後要以「魔音改進計劃」改造自己嘅歌喉喇。

雖然近日有傳Yuki已經加盟唱片公司，不過呢日佢就話有家姐出現，自己嘅歌手夢多數都無法實現，仲話「未開始已經結束」咁話呀。

星期日就係大年初一，Yuki就因為喺新年會有一個小假期，所以會去親友屋企拜年喇，而Rosita仲會下廚炮製賀年糕點，不過新年期間佢就要繼續拍新劇《奪命提示》開工，祈望新一年繼續旺咁話呀。