張學友相隔10年再拍賀年照 祝大家「兔」氣揚眉

張學友相隔10年再拍賀年照 祝大家「兔」氣揚眉

張學友於2020年2月唱出《等風雨經過》呢一等就係三年,整個地球靜止咗、人與人之間陌生咗,剩下只有沮喪、無助、軟弱,呢段期間盡力做好自己、保護家人外,其他都只可以等,終於等到2023年新嘅一年開始,張學友喺疫情期間,最常做就係一個人練歌,遇到合心意嘅新歌就走入錄音室錄音,藉住大聲唱歌釋放一啲壓力,踏入新一年,張學友以《日出時讓街燈安睡》獨唱版為大家注入新力量,正所謂一年之計在於「心境」。

張學友亦藉此機會向大家祝賀新年快樂。

張學友藉此機會向大家祝賀新年快樂,數數手指原來已經有差唔多10年時間未拍過賀年照,佢趁呢個機會祝賀大家新年快樂、身體健康,祝大家兔年動若脫兔、『兔』氣揚眉!
張學友原來已經有差不多十年時間未拍過賀年照。
《日出時讓街燈安睡》已有合唱版本,為咩今次學友再整獨唱版本?學友坦言自己好鍾意呢首歌:「第一次聽到呢首歌,就同作曲人Eric Kwok同填詞人林若寧講希望可以唱呢首歌。可能係因為個歌名同自我另一首較早期嘅作品《日出時讓戀愛終結》好相近,產生咗莫名嘅親切感,就好似延續篇;再細睇歌詞有一種無力,卻又希望堅持嘅意思,跟現在自己嘅心境都好接近,當然旋律也係我十分鍾意。」

張學友以《日出時讓街燈安睡》獨唱版為大家注入新力量。

得到作曲與作詞人嘅首肯後,學友終於如願以償,以獨唱版本重新演繹呢首歌,並邀請學友演唱會合作拍檔吳慶隆重新編曲,以簡單嘅鋼琴聲緩緩帶入,學友用佢嘅聲音,娓娓唱出自己內心嘅「日出時讓街燈安睡」,鼓勵自己嘅同時都可以展現畀大家新嘅感受,就好似歌詞般「這生人的燈,開一時足矣」,希望每一盞街燈都曾發光發熱,喺日出前照亮住每一個黑夜,日復一日、年復一年,總會遇上瓶頸位,總有逆境嘅時候,既然逃避唔過失意嘅時候,大家應該學會去面對,心境絕對能改變命運,就像街燈一樣安睡,給予身體有鬆一口氣嘅時候,就係繼續奮鬥嘅一枝強心針。張學友祝大家動若脫兔、『兔』氣揚眉!

中年好聲音2︱十強名單誕生!安雅希被批有壓力唔夠Enjoy

歌唱真人騷《中年好聲音2》,周日(25日)是第十部曲《雙語之歌,累積排名榜 十強隆重登場!》下半場。

大魔王安雅希獻唱歌神張學友的《李香蘭/秋意濃》,她坦言這首歌是天上爸爸最喜歡的歌,說畢一度眼濕濕。不過雅希是次表現卻可圈可點,肥媽指覺得雅希有壓力:「不嬲好鍾意你唱歌,但我覺得呢兩場你畀咗壓力自己,唔好畀壓力自己,要享受個舞台,咁先冇得輸!」

慧嫻則指:「呢隻歌對我嚟講,每隻字都應該唱得好圓、好滑,但你呢方面未做得好好。」惟一向要求高的伍仲衡卻正評:「每一次都唔會對你失望,我覺得你廣東話歌愈嚟愈進步,聽到你係花咗唔少時間去學好唱廣東話歌。」

 相關推薦

熱門搜尋