流行都市丨宋芝齡性感「阿太」裝 與安德尊互窒似耍花槍

流行都市丨宋芝齡性感「阿太」裝  與安德尊互窒似耍花槍

《流行都市》11位主持呢日齊齊喺電視城古裝街拍攝新春賀年特輯,現場請嚟專業師傅為大家表演舞龍舞獅,氣氛相當熱鬧,節目跟以往一樣準備遊戲環節。

姚嘉妮大爆另一新亮點係大王安德尊同宋芝齡緋聞被擺上枱,指「兩公婆」一齊鬥嘴,大晒佢哋嘅愛情故事,張美妮則稱宋芝齡特別容光煥發,宋芝齡即澄清:「我哋從來冇兩公婆劇情,同埋我哋冇簽字。」朱智賢叫大家留意年初二播出《流行都市》,屆時大王同芝齡有親密戲份。

胡諾言稱一向好少信花邊新聞,反而今次播出嘅環節睇得出佢哋好似有嘢,焦浩軒又指大王同芝齡友好關係好多年,呢日芝齡衣著被指唔太合群,與其他主持嘅新春喜慶造型唔太夾,芝齡解釋:「新春衫係以鮮色為主,邊個話一定要紅色,韓國係著白色,我唔著已經好畀面。」身邊嘅安德尊話芝齡著到成個「阿太」咁,現場各位主持叫佢做「安太」。

流行都市|鄧達智帶隊瓹窿瓹罅食好西 大王芝齡嘆omakase旁若無人

時裝達人 鄧達智 原來除咗對時裝仲有圍村文化有研究之外,佢仲對唔同美食一樣瞭如指掌,最近佢仲為《流行都市》嘅單元「達智埋單」,呢日就帶一日到黑耍花槍嘅 大王 同 宗芝齡 去到元朗搵好嘢食,仲連餐廳嘅飲品都係Williamn發明呀。

呢日佢哋去雲吞麵店食嘢,不過就唔係大家諗嘅竹昇麵魚尾雲吞,而係omakase「廚師發辦」,仲話過往食過牛鞭、牛歡喜,難怪芝齡聽到都O晒嘴啦。

呢日明明William係主角,點知大王同芝齡傾傾吓又打情罵俏旁若無人,搞到William面都紅晒唔知點反應至好喇。

 相關推薦

熱門搜尋