江美儀努力多年榮登視后寶座 新年傳統習慣每年必做

入行多年嘅 江美儀 早前喺台慶頒獎禮憑住《下流上車族》車太嘅貼地演出成為視后,吐氣揚眉嘅美儀近日就接受咗我哋嘅專訪,仲分享咗新年自己每年都必做嘅習俗,仲認為團年飯都新年著新鞋都係每年幾忙都必定會做嘅事呀。

佢又話每年都一定要買某牌子嘅椰汁年糕,回味年幼時嘅味道喇。唔少人都會喺新年著紅色內衣旺吓,而美儀就笑言自己日日都係紅色,咁先能夠旺足一整年咁話呀。

過往都會自製糕點嘅佢,今年就因為成為視后工作接二連三,所以要假手於人喇,請烹飪高手朋友出手喇。事業去年有好成績,就當然要好好慰勞自己喇,美儀就話等手上工作一忙完,就要即刻出埠去滑雪止癮,不過如果時間唔許可,就會等夏天去行富士山,又或者參加當地嘅馬拉松比賽呀。

 相關推薦