冼靖峰首辦歌迷聚會有求必應 計劃與家人泰國旅行享受陽光與海灘

冼靖峰(Archie)日前舉行入行以嚟首個fans Club聚會，一班fans提早同偶像慶祝農曆新年，冼靖峰每次出騷喜見好多fans到場支持，有感未有好好溝道回饋佢哋，所以今次悉心籌備呢次活動，可惜聚會限制人數，呢次有60人出席，佢希望日後以小組形式與各fans見面互動。

第一次fans Club聚會，fans顯得好興奮，冼靖峰亦盡量滿足fans要求，希望加深彼此了解，今年農曆新年，冼靖峰計劃同家人去泰國旅行玩5日，享受陽光與海灘，新一年佢希望推出更多好嘅作品，畀到觀眾驚喜，希望觀眾感受到新歌特別嘅地方。