MC張天賦演唱會|李嘉欣Lucy現身睇騷 MC找數舊識上台合唱

以雷霆萬鈞之勢加入樂壇嘅 MC張天賦 喺新年期間舉行一連三場首次紅館個唱,年廿九展開嘅首場演出,就吸引咗大美人 李嘉欣 仲有全網都知非常迷戀MC嘅李璨森囡囡 李元元 等藝人捧場喇,

MC呢晚以多首近期多熱作品為歌迷表演,而因為防疫政策放寬,亦係疫情後第一次可以同歌迷近距離接觸嘅演唱會,MC喺完場後接受訪問時依然非常興奮,仲話同大家可以有返接觸非常開心,更話以歌手身份喺台上同大家握手嘅體驗非常有趣呀。

雖然香港觀眾已經非常習慣表演一定會有Enocre環節,不過呢晚MC嘅表演就完全冇Encore,佢就解釋話一早已經決定冇「假Encore」,但係如果歌迷夠熱情就會隨時再上台咁話。至於係咪首3場未表演完已經籌備Part 2,佢就話係自己嘅願望,希望可以再喺台上同大家見面咁話喇。

 相關推薦