高海寧糕點送老友記 成立義工團惠澤社群

唔少藝人喺入行之後,都會利用自身嘅影響力做吓善事,希望幫助到社會上有需要嘅人。而 高海寧 日前就趁住歲晚,同媽咪一齊向一班老友記派發賀年糕點,等各位都可以感受到一絲暖意呀。

高Ling仲話新一年希望正式成立義工隊,為社會做更多善事,探訪更多基層同有需要嘅團體呀。高Ling話每次參與義工活動,都有唔少得著同感受到好多愛,仲話令人哋開心好簡單,所以就更令自己有體力做更多喇。

月中度過生日嘅佢,當時正喺大馬拍攝新戲,助手帶佢食晚飯時仲遇上意想不到嘅表演,令佢非常滿足呀。佢又話希望新一年有更多好作品帶俾觀眾,其中同 佘詩曼 合作嘅《新聞女郎》仲令自己非常期待呀。

 相關推薦