陳凱琳鄭嘉穎抱孻仔Carlos拜年 甜蜜表示一家五口相當幸福

恭喜發財,祝各位新年快樂!今日係大年初一,唔少藝人都上載咗賀年相去社交平台,當中啱啱生完第3胎嘅陳凱琳,就同老公鄭嘉穎抱埋BB同大家見面!陳凱琳仲以英文介紹第三位囝囝Carlos畀大家認識呀!
Carlos仔好多頭髮。Carlos仔好多頭髮。
喺陳凱琳上載嘅片段入面,佢抱住着上金色唐裝BB衫嘅Baby Carlos,而老公鄭嘉穎就從後抱住佢兩個,相當sweet。Carlos仔望住爸爸媽媽表情多多,不過影咗陣相,佢就似乎有啲攰開始打喊露,而呢個時候爸爸鄭嘉穎就忍唔住錫咗Carlos仔一啖,成個畫面相當溫馨。
爸爸錫錫。爸爸錫錫。
陳凱琳以英文寫道歡迎Carlos仔嚟到佢哋呢個家庭,又指Carlos仔嘅加入令到佢哋相當幸福,而兩位哥哥Rafael鄭承悅同Yannick鄭承亮都好錫細佬,又會幫媽媽手一齊照顧Carlos仔。
講到生Carlos嘅過程,陳凱琳就指過程相當順利,而家佢哋已經喺屋企享受緊農曆新年,而最後陳凱琳仲祝大家兔年快樂!

 相關推薦