喜氣洋洋玉兔賀新歲|藝人管理層出動賀新歲 兔年伴香港齊出發

喜氣洋洋玉兔賀新歲|藝人管理層出動賀新歲 兔年伴香港齊出發

每年大年初一TVB都會安排直播節目同大家拜年,今年一班藝人同事同公司管理層,就一如既往喺直播節目《喜氣洋洋玉兔賀新歲》各廣大觀眾拜年喇。全世界經過幾年停滯之後,踏入新一年似乎已經準備好重上軌道,總經理 曾志偉 就趁呢日團拜,宣佈TVB嘅全新口號「與香港齊出發」,希望同香港仲有各位市民一齊定立新目標,向未來重新出發。志偉又話今年會去好多唔同地方,促進TVB同各地嘅多種唔同合作。

修哥 胡楓 亦繼續化身最受歡迎嘅財神爺,各同事大派利是,而修哥本人就話當返公司現身係行大運,而收工之後就會趕返屋企,同各代子孫過新年呀。

Amigo崔建邦亦都話大年初一開工主持團拜節目,已經係自己嘅每年習慣,佢仲話年初一起身返工就好似代表整年都會非常順利咁,加埋每年Liza姐都會邀請大家去佢屋企食嘢拜年,就更加開心喇。

反骨琪 蔣家旻 呢日為大家唱歌拜年,過去一年事業豐收嘅佢,就希望兔年延續好運,仲希望可以演出多啲唔同角色喇,而 鄧志堅 就話虎年買桃花過年之後就有唔錯成績,所以今年加碼再買大棵啲,希望延續氣勢呀。

三太 樊亦敏 呢日亦以王宮娘娘造型現身節目,佢就想挑戰專業人士角色喇。至於 袁偉豪 就一樣想接受唔同挑戰,仲想繼續創作唔同音樂作品同喜劇角色呀。

Jasmine任暟晴 撞正年初一度過17歲生日,仲有Fans為佢準備多種唔同應援,而佢本人喺生日就願望學業同事業一樣進步,仲希望繼續長高同多啲時間瞓覺呀。而Sabrina趙紫諾同樣希望自己學業進步,更加希望推出自己嘅作品呀。至於Janees黃洛妍就祈求兔年有更多唔同機會為大家演出喇。

幾位應屆港姐呢日當然都係嘉賓之一, 林鈺洧 梁超怡 邢慧敏 佢哋就對新一年嘅發展有唔同願望喇。而 麥玲玲 師傅就話繼《美麗戰場》演出之後戲癮有增無減,希望可以參與唔同角色,亦都打算安排去旅行放鬆吓呀。

樊亦敏 龍婷 丁文俊等齊放水燈 弘揚香港特色傳統文化

弘揚香港特色傳統文化嘅鴨脷洲盛事「洪聖傳統文化節」於 17 號舉行,為隆重慶祝洪聖寶誕,大會邀請咗樊亦敏、龍婷、丁文俊、林鈺洧、徐麟、蓋鳴暉、張玉珊、吳麗珠、賈思樂等出席「放水燈」祈福同龍舟「點睛」環節。
眾嘉賓龍船大合照。眾嘉賓齊放水燈。
傳統龍舟拜廟係洪聖寶誕嘅傳統項目,將龍舟扒到廟前參拜祈福叫做「開光」,據指拜廟後嘅龍舟更具鎮攝妖邪、保障水陸平安嘅威力,亦有消災祈福同求海神護蔭平安嘅意思。一眾嘉賓當然唔會錯過呢個傳統項目,大家都紛紛去到龍舟前摸摸龍頭沾福氣。之後眾嘉賓又一齊放水燈祈福,場面相當壯觀。
張玉珊蓋鳴暉 左起:張玉珊、琦琦、汪曼玲、樊亦敏丁文俊、龍婷及周美鳳。黃泳嘉、徐麟及林鈺洧。

 相關推薦

熱門搜尋