身處美國照傳統上頭炷香 夏蕙姨唔使迫為港人祈福

過往多年都會喺黃大仙廟同其他善信一齊爭取上頭炷香嘅 黃夏蕙 ,今年就淨係派出兩位契女喺香港繼續排隊霸位喇,但係正身處美國嘅佢,依然喺三藩市嘅黃大仙廟,為香港嘅大家繼續上香祈福,仲一早準備好兔女朗打扮迎兔年呀。

夏蕙姨誇張裝扮上香嘅情景可以話年年賀歲必不可少,雖然佢今年遠在他方,不過夏蕙姨就仍然堅持傳統,喺三藩市嘅黃大仙廟照上頭炷香,仲唔使人迫人迫到假髮都走位,佢仲祝福香港嘅大家身體健康一切順利呀。

今年有囡囡陪住又唔使爭位,夏蕙姨就自在得多喇,仲可以慢慢向大仙為香港人祈福。而同時佢又遙控契女 艾美琦 同 李紫彤 喺香港繼續入廟上香,因為唔想呢個自己嘅傳統因為自己離港而暫停咁話呀。

 相關推薦