王嘉爾現身巴黎時裝周 超級品牌宣佈合作代言

近嚟正喺歐洲舉行巡迴演唱會嘅 王嘉爾 近日轉往巴黎表演，而佢亦趁機去到正舉行嘅巴黎時裝周觀摩，而有超級品牌亦宣佈邀請Jackson擔任佢哋嘅代言人。Jackson就話今次可以話係大開眼界，好似參觀一個完美嘅藝術表演咁呀。

身為代言人嘅佢，又話希望除咗擔任代言之外，仲希望可以同品牌合作做一啲新鮮嘅事喎。除咗時裝周之外，佢今次去到巴黎演出亦都有唔少體驗，Jackson就話非常感激睇騷嘅歌迷觀眾，更加話喺巴黎表演有非常開心嘅感受呀。