【獨家】陳敏兒歲晚花墟揀年花 二仔廖文信陪伴當保鑣

陳敏兒曾經喺訪問入面講過，自從2021智叔廖啟智離開咗之後，兩位囝囝廖文哲同廖文信雖然各自各忙，但佢哋只要一有時間，就會陪住自己，而呢日年卅，我哋就見到文信陪住媽媽敏兒去到旺角花墟行街。

而家喺YouTube Channel度做幕後嘅文信，呢日暫時撇低女友，允當貼身保鑣陪媽媽行街。由於歲晚開係，唔少人都最後衝刺買年花，雖然呢日花墟人頭湧湧，但係一頭銀髮嘅敏兒喺人群中相當耀眼。佢同文信先後入咗兩間花店揀植物，不過敏兒似乎就揀唔到心水，之後行到去一間喺橫巷嘅小店，敏兒再次細心挑選，過程中仲有問下囝囝文信意見，揀咗幾分鐘後，敏兒已經揀到心水值物，而文信亦即刻揀銀包出嚟幫媽媽畀錢，相當乖仔呀。