兔年一洗過往幾年嘅低沉，大家都可以出門向親友拜年團圓，而貴為梨壇大前輩嘅仙姐 白雪仙 就有一班後輩喺大年初去到仙姐屋企拜年喇，當中除咗有當年雛鳳鳴劇團嘅一班成員現身向師父仙姐拜年之外，仲見到 陳寶珠 謝雪心 資深傳媒人汪曼玲 陳善之 等等一齊熱歡聚，更一齊食豐富開年飯。

寶珠姐向師父仙姐拜年，一紅一綠襯到絕
仙姐就以淺粉紅色打扮配招牌墨鏡出現，雍容華貴加親切笑容再逐一同賓客合照，大家都過咗一個笑聲不斷嘅年初一呀。

仙姐大年初一招呼大班徒弟後輩歡聚一堂
至於早前喺香港拍攝完張家輝新片嘅 陳法拉 ，已經飛返美國同老公囡囡一齊過新年，雖然身處外地，不過法拉一樣有教囡囡「小米妮」過年傳統，法拉喺社交平台Post相，見到小米妮著住傳統棉襖，向父母下跪請安拜年非常可愛，而爸爸Emmanuel Straschnov同法拉都帶住滿足微笑，仲準備利是俾小米妮呀。

法拉嘅囡囡跟媽咪學識儀統禮儀，新年向父母請安拜年

早前喺香港為唔少劇演出嘅《帝女花》65周年專業版，7月底將移師澳門舉行一連三場演出。日前主辦單位就邀請各界官員、仲有《帝女花》劇目總監葉家寶、陳善之、導演吳國亮、演員代表李龍、南鳳、白雪紅、王志良同林穎施出席新聞發佈會喇。

《帝女花》65周年專業版，7月底將喺澳門演出3場
 
劇目總監葉家寶指《帝女花》專業版糅合唐滌生舞台版同電影版劇本，增補修訂為160分鐘簡煉版本；希望建構當代劇場新體驗，將加插由唐滌生親自修訂嘅劇本2.0升級版，由電影版本回歸舞台，向澳門觀眾呈獻經典同現代劇場科技融合嘅《帝女花》

新版本邀請唔同年代演員穿梭演繹末代公主同駙馬，以唔同組合，加上大型移動舞台設計、投影設計、燈光設計、音樂重新設計同度身訂造嘅「HCA粵劇和諧音色系統」向觀眾展示與別不同嘅全新舞台感受。