賀歲劇《黃金萬両》為令觀眾睇得開心又過癮，劇組喺劇中加入唔少搞笑元素，好似喺22號晚播出嘅一集，三位飾演萬家新抱嘅麥美恩、朱智賢同江嘉敏就化身「萬家女團」，大跳大學流行嘅 Dem Beat 嚟幫佢哋嘅老公打氣，三位萬家家嫂仲同埋奶奶 薛家燕、林漪娸一齊還原風靡一時嘅「何東 Dem beat」呀！
萬家女團 - 金枝萬家女團 - 小玉萬家女團 - 龍九萬家女團 - 萬紫千紅
朱智賢話開拍前自己就已經好期待拍呢場Dem Beat戲，仲話場戲令佢諗返讀大學嗰陣嘅時：「拍之前都好期待呢場戲，喜劇加上呢個元素感覺好得意，今次最搞笑係同同事做呢件事，仲要係同家燕姐喎！」朱智賢話拍攝前大家用咗一日嚟排練，本身只係得𨂽地動作，但為咗配合口號，佢哋就自己設計咗啲動作嚟配合。

但係講到拍攝中最難嘅事，朱智賢就話係要喺37度高溫下，仲要撐大對眼嚟拍：「拍攝時係太陽曬到正，最辛苦係曬到大家眼都擘唔開，拍嘅時候都要盡量撐開對眼。」而江嘉敏就話自己一直好想試呢玩Dem Beat，佢睇片本來以為係件好易嘅事，但係跳起嚟一啲都唔易：「好彩我哋幾個家嫂好有默契，加上家燕姐、漪娸姐都有一齊玩，大家仲會一齊創作口號，成件事好溫馨。」
新抱廚房 - 地獄版。
而23嘅晚呢集，三位夫人就上演「新抱廚房」炮製開年菜，但係佢哋嘅廚藝係點，相信大家都估到啦！都唔講麥美恩煮雞變飛雞、朱智賢醋同豉油都分唔到喇，江嘉敏整個冬瓜盅，竟然將條抹布都擺埋入去當花膠煮？！
江嘉敏煮咩煮到咁嬲？
雖然以上係劇情，但問到現實中佢哋嘅廚藝係咪一樣咁「地獄」？江嘉敏就話自己開火煮個麵麵仲識嘅，佢又指因為之前家人唔舒服，所以煮飯嘅重任就交咗畀佢，當時嘗試咗人生第一次煲粥，仲話煮完出嚟係出係獲得家人正評呀！聽到呢度係咪都覺得江嘉敏廚藝好似幾OK？點知佢就自爆煮嘢食嘅驚險事：「之前試過用微波爐叮鬆餅，已經搣晒所有錫紙就咁擺喺碟度去叮，點知叮到第 3、4 秒時，無啦啦嘭咗 一聲再着火，事後都即刻換咗個微波爐，嗰排係有啲陰影！」

賀歲劇《黃金萬両》年卅至初七 20:30 翡翠台

黃子恆個樣點解又咁苦惱？

薛家燕 呢日 同葉文輝 鄭啟泰 等，一齊為佢哋效力嘅電台即將來臨嘅台慶拍攝宣傳照，而顯得特別開心嘅家燕姐，原來係因為孫仔Julian呢日2歲生日，難怪佢開心得咁緊要啦。

家燕姐仲話開工前已經一早同孫仔慶祝生日先開工，講起已經笑唔停嘅佢睇嚟真係有孫萬事足喇，仲借意想問阿囝同新抱幾時再生下一胎，不過見佢哋湊一個已經花咁多心力，所以都係收返埋呢個心願喇。

至於效力同一電台已經24年嘅啤梨，呢日就回想當年初入行嘅趣事。而佢哋仲話到時會有大型慶祝活動，更會有大型音樂會，呢日總監 程凱欣 更預先預告嘉賓名單呀。