許冠傑宣佈4月再登紅館 平價門票供市民欣賞同樂

自從政府放寬防疫措施之後，唔少歌手都陸續宣佈會舉行演唱會，等唔開心足足幾年嘅香港人有更多娛樂放鬆吓，而喺疫情期間同唔少歌手合作辦線上音樂會為大家打氣嘅 鄭丹瑞 ，喺大年初一就訪問歌神 許冠傑 ，除咗宣佈4月就會再次踏上紅館騷之外，仲話要以平價門票令更多市民可以入場欣賞咁話呀。

今次終於可以現場同大家見面，而佢又有見近年睇騷門票郁啲就過千，所以決定將每場超過一半嘅門票，以$380發售，等唔同階層嘅市民都可以入場欣賞睇騷呀。

阿Sam又話今次開騷會唱大量廣東歌，希望大家可以聽到飽咁話。佢仲即場自彈自唱自己嘅經典《財神到》，希望大家兔年由頭旺到尾呀。