甄子丹 擔任監製導演又親身上陣演出嘅武俠新片《天龍八部之喬峰傳》，趁新春檔期上映，呢日舉行嘅慈善優先場，仲有唔少圈中人現身支持，而日前到韓國為新片宣傳嘅丹爺原來已經返到香港，呢日仲驚喜現身現場睇觀眾反應呀。

丹爺又喺現場分享，喺韓國當地現身綜藝節目又同當地藝人接觸嘅情況，仲期望香港電影重拾當年輝煌呀。呢日到場搶先欣賞嘅嘉賓真係星光熠熠，丹爺更直接問大家睇完嘅感想，好似 關芝琳、當年同丹爺合作《葉問》系列嘅 黃百鳴 修哥胡楓同鵬哥盧海鵬等等。

18號度過91歲生日嘅修哥，呢日又獲大家再次為佢慶祝，修哥就話非常驚喜，仲話連日嚟已經有唔少朋友送上驚喜喇，而同場出現嘅 李丞責 師傅，就向近年事業發展非常好嘅 黎諾懿 贈咗兩句呀。

TVB藝員同事近來輪流參與直播帶貨嘅主持任務，呢日 黎諾懿 就同 林鈺洧 仲有 郭柏姸合作開Live，仲大讚Rosita嘅中文中平非常高，而Rosita就話要跟諾懿學煮食技巧喇。

不過直播唔多唔少都要以普通話介紹產品，有「港普之父」美譽嘅諾懿，就考唔起兩位靚女，但係Denice就話全程都係靠諾懿為自己壯膽，對方一行開就已經心慌慌喇。

其實佢哋今次為直播一早就已經做足準備，了解各種推廣產品嘅資料，但係到實際主持時諾懿就話預到另一問題，仲話合作嘅都係靚女令自己好難專心呀。