何超雲首次曬與未婚夫Douglas合照 兩人背對背拖手相當sweet

何超雲去年爆出被求婚成功,據指未婚夫Douglas係任職高級消防隊長。而一直對未婚夫相當保護嘅超雲,自從被爆戀情後,就慢慢開始會喺社交平台放閃,不過就未曾正式公開post過對方嘅相。

而踏入兔年,超雲就終於公開未婚夫嘅相!兩口子似乎去咗泰國旅行,超雲將啲旅行相post咗上社交平台,當中除咗有佢嘅靚女相外,仲有一張係佢同Douglas背對背拖到實嘅靚相,而超雲淨係用咗V字手、太陽眼鏡同心心嘅Emoji嚟表達呢輯相。由於係第一次正式post未婚夫嘅相,所以引嚟唔少網民留言回應,當中超雲嘅妹妹何超蓮亦都有留言,不過佢嘅留言係提返未來姐夫嘅腳帶甩咗呀。

 相關推薦