何超雲首次曬與未婚夫Douglas合照 兩人背對背拖手相當sweet

何超雲首次曬與未婚夫Douglas合照 兩人背對背拖手相當sweet

何超雲去年爆出被求婚成功,據指未婚夫Douglas係任職高級消防隊長。而一直對未婚夫相當保護嘅超雲,自從被爆戀情後,就慢慢開始會喺社交平台放閃,不過就未曾正式公開post過對方嘅相。

而踏入兔年,超雲就終於公開未婚夫嘅相!兩口子似乎去咗泰國旅行,超雲將啲旅行相post咗上社交平台,當中除咗有佢嘅靚女相外,仲有一張係佢同Douglas背對背拖到實嘅靚相,而超雲淨係用咗V字手、太陽眼鏡同心心嘅Emoji嚟表達呢輯相。由於係第一次正式post未婚夫嘅相,所以引嚟唔少網民留言回應,當中超雲嘅妹妹何超蓮亦都有留言,不過佢嘅留言係提返未來姐夫嘅腳帶甩咗呀。

何超蓮潮着「東北大花棉襖」去旅行 想追潮流淘寶幫到你!

「賭王千金」何超蓮一向有美貌又得天獨厚,饒有生活品味,雖然她近年將生活及工作重心轉往內地,但不時在中港澳都發現她的足跡。超蓮忙於工作,出席活動之餘,更常常出國旅行,親民地在社交平台分享近況。

近日,超蓮趁元宵節,分享在中國東北地區的旅行點滴:「南方小土豆從29度的地方跑到零下20幾度的北方」。相片中所見,一向勁有時尚觸覺的超蓮,正穿着內地新興的「東北大花棉襖」潮服。據知,曾有內地抖音網紅穿着這件「東北大花棉襖」走在法國街頭,也引起了不少當時人注意!

這款大紅花花的棉襖,甚有中國傳統的喜慶特色,專適合農曆新年的傳統節日穿着!據悉,同款大花棉襖在平價網淘寶有售,價錢勁抵,100元有找!

圖片來源:何超蓮IG

超蓮又去旅行啦! 何超蓮潮着「東北大花棉襖」去旅行

 相關推薦

熱門搜尋