年初二開年就梗係要熱熱鬧鬧咁過啦，除咗食開年飯之外，成班親友就最有氣氛喇，呢日《聲夢傳奇2》嘅一班畢業生 Timothy陳昊廷 Sean文佐匡 Zayden彭家賢 Angel劉詠彤 Desta李茵彤 同埋 Janees黃洛妍 就約埋一齊玩順道預祝兔年事業展翅高飛喇。

不過 詹可琳 同 賴彥妤 就安排咗啲遊戲同佢哋玩吓，到底女子組勁定係男子組醒，大家就要慢慢睇喇。

寫完揮春再考完眼界平衡力，最後就一團和氣打和人人都開心啦。

正所謂家家都有唔同習慣，佢哋呢日就分享唔同嘅過年小習慣同特別習俗喇，Zayden就話每年初一都會一早被賀年歌歌聲叫醒，而Timothy就回憶喺英國讀書時一班香港同學齊齊整過年食品應節喇。至於曾經喺韓國擔任練習生嘅Sean，雖然未試過喺韓國年，但係佢就話喺英國讀中學學校會安排賀年食品俾大家喎。

同樣喺外國讀書嘅Janees一樣每年喺學校度過，佢仲會帶領同學食團年飯，再向大家解釋傳統習俗呀。而Desta就曾經因為媽咪大發神威糕點整多咗，所以過年期間同之後朝朝都食糕做早餐呀。而Angel就最回味每年去嫲嫲屋企食飯喇，因為嫲嫲每年都會準備雞燉翅賀年呀。

除咗玩遊戲，佢在場又點少得唱歌吖，呢日佢哋就為大家唱出唔同賀年歌，除咗為新一2年許下願望之外，仲祝福各位兔年順景，心想事成呀。

為慶祝母親節，無綫噚晚推出特備節目《我和媽咪有個約會》由陸浩明及薛家燕擔任主持，出席嘉賓有周吉佩、李佳及兩名兒子、羅啟豪及媽咪 Anne、黃洛妍（Janees）及媽咪Joyce、樊亦敏、 陳浚霆、何晉樂、詹天文、金永衡、彭家賢、趙頌宜及XiX，眾人先後獻唱《世上只有》、《魯冰花》、《念親恩》及《分分鐘需要你》等歌曲。
呢個畫面 Sweet 爆！

眾多環節以羅啟豪與媽咪合唱《Cheek To Cheek》及Janees與媽咪合唱《談情說愛》最惹熱討，對於兩位唱得之人嘅媽咪喺節目中難得開金喉，網民對兩位媽咪唱功更係大表驚喜。
羅啟豪細個成日因為練琴同媽咪有拗撬。畀人感覺乖到不得了嘅啟豪，原來細個好奀皮。羅啟豪多謝媽咪鼓勵佢參加《中年好聲音》，令佢展開人生新一頁，搞到媽 咪都有啲眼濕濕，場面勁溫馨。留意番，羅啟豪望住媽咪嘅眼神勁有愛。
啟豪與Janees分別對媽媽進行真情剖白，啟豪笑指細個小時候愛駁嘴，經常與媽咪因練琴問題有磨擦，啟豪表示：「一開始我學琴，我媽媽話係我自願學，但之後我唔願學。」Anne聞言即笑說：「我（嬲到）話會趕佢走。」Janees則一 直好渴望媽媽嘅稱讚：「我媽咪係一個要求好高嘅人，所以由細到大佢從 來都唔讚我。」Joyce聽畢感觸回應：「其實我唔係唔讚佢，只係我想佢更加虛心啲學習，唔好讚壞咗！」
Janees 真摯嘅言辭，令到媽咪 Joyce 哭成淚人。 Janees 望住媽咪嘅樣，真係充滿愛!家燕姐在節目中亦數度開金口。

啟豪及Janees按製作組要求親手寫信畀媽咪，羅啟豪信中自爆奀皮史：「媽咪，我明嘅，因為我細個比較頑皮同唔聽話，做功課同練琴成日要你去督促，普通話補習時永遠唔見咗人，仲要成日同二家姐打交，令你好心痛將我送去英國寄宿，等我學識自律。最近你畀咗勇氣我去參加《中年》，令我可以開始人生新一 頁，所以媽咪我多謝你，我永遠愛你。」至於Janees則主要感謝母親Joyce一路 以來的包容，及為自己嘅種種付出：「冇你就冇今日嘅我，多謝你媽咪，請原諒我嘅固執同倔強，其實我都好希望可以保護你，呢幾年你辛苦，Jan都長大！係時候畀我照顧你」，Joyce 邊讀邊感動至淚如雨下，Janees 見狀即無限痛惜地為媽咪抹眼淚，場面感人！

李佳帶埋一對可愛仔仔上節目，仲分享生活照。「三太」樊亦敏與陳浚霆「母子檔」合唱。