自然系女子旅行|Kimi接力林襄上陣爬山玩飛索 21吋小蠻腰勁擦得唔科學

由「港女」 林映暉 主持嘅《自然系女子旅行》,繼上周打頭陣出場嘅「啦啦隊女神」林襄之後。今個星期接力嘅「樂天女孩」張雅涵 。大年初二登場嘅Kimi除咗係啦啦隊成員之外,佢亦短短時間內推出過6本寫真,憑34C上圍同21吋小蠻腰,喺IG擄獲60萬Fans。佢嘅最新一本作品《25.Kimi醬》限量發售1000本,係寫真界天后。

暉哥一齊同Kimi去到彰化露營區,登記完就即嘆營區提供嘅三層高High Tea,之後入到房仲有溫泉水直達,足不出戶都可以喺房內嘅浴池浸溫泉。Kimi亦急急浸浴嘆返吓,大方展示小蠻同驕人上圍。


Kimi接棒林襄同暉哥四圍去旅行Kimi接棒林襄同暉哥四圍去旅行
雖然晚餐又豐富嘅香茅湯、藥膳麻辣湯底火鍋同燒烤提供,台灣女他又都都係食得之人,奇怪嘅係佢哋食極唔肥,相信令唔少女士都羨慕妒忌怖恨呀。而Kimi接受訪問時,就解構自己21 吋小蠻腰係點鍊成喇,佢話:「新歌《涵氧女孩》的舞蹈可以練很多腰線,練著練著就有更明顯的腰線了。平常一個禮拜會去兩三天重訓,控制飲食和盡量早點睡。」

而今晚播出嘅一集暉哥同Kimi會轉場去寶來溫泉公園入住露營車,當中戲肉仲係「冒險探索山 訓」,Kimi同暉哥會先攀爬上3層樓高,再用飛索滑行成100米,又要行過鐵索橋先完成成個探險。


但係佢哋似乎就被高空攀爬同飛索考起喇但係佢哋似乎就被高空攀爬同飛索考起喇
Kimi一馬當先上陣,不過行到一半就已經面容扭曲,撒嬌問教練︰「一定要走完嗎?」之後又忍唔住大叫,嚇到跟尾嘅暉哥都話︰ 「你唔好嗌啦,你嗌我都嗌喇。」又忍不住暗鬧教練話︰「你又話小朋友都玩得嘅?」

眼有淚光嘅Kimi幾經辛苦終於完成第一階段,但係去到飛索時就猶豫極都唔肯出發,最後點收科,就要留意今晚嘅《自然系女子旅行》。

玩完刺激到嚇出成身汗,Kimi同暉球就齊齊去浸美人湯溫泉定驚喇,Kimi又再次發揮「寫真天后」本色,狂騷火辣身材派福利。但係轉頭食晚餐又變身做吃貨,享用遊台灣三款必食菜式:麻油雞、薑母鴨同羊肉爐。到隔日起身佢哋又再唔好蝕底,Kimi換上第三款戰衣再戰溫泉浴,短短2日先後以三款泳衣示人,新春就為觀眾派足福利喇。

 相關推薦