燈火闌珊丨周漢寧與張艾嘉互動感動觀眾 自備道具試鏡打動導演奪男一機會

燈火闌珊丨周漢寧與張艾嘉互動感動觀眾  自備道具試鏡打動導演奪男一機會

電影《燈火闌珊》早前舉辦多場優先場,戲中任達華飾演霓虹燈師傅鑣叔,其有一位徒弟仔Leo係由首次擔任男主角嘅周漢寧飾演。阿寧與張艾嘉嘅互動帶嚟唔少感人場面,不少觀眾被感動流淚,其實周漢寧用心對待角色,成功打動導演才獲得呢次機會。

戲中任達華飾演霓虹燈師傅鑣叔,其有一位徒弟仔Leo係由首次擔任男主角嘅周漢寧飾演。

周漢寧試鏡時,自備咗一個自製嘅精美面具,以及霓虹燈光管,令導演覺得呢位演員好有誠意參加試鏡,周漢寧解釋道具可以令佢演得更到位:「主要因為想喺試鏡時可以更加表現到我對呢套戲、呢個角色嘅想像,對我嚟說,道具影響演出嘅節奏,或係演出時嘅視線,所以作為演員,呢個準備工具其實更能表現自己,導演於試鏡翌日再邀阿寧嘗試製作霓虹燈,發現佢肢體動作都有板有眼,便落實由阿寧去演徒弟仔。
 
阿寧與張艾嘉嘅互動帶嚟唔少感人場面,不少觀眾被感動流淚。

周漢寧首次擔任男主角,更要與演出經驗豐富嘅張艾嘉對戲,阿寧自然不敢怠慢,難得佢表現得到張姐嘅嘉許。張艾嘉指周漢寧似呢個角色,令人感覺舒服,有個人特色,日後可以嘗試更多不同角色,周漢寧能得到重量級前輩看重,阿寧自然興奮,亦好感謝張姐嘅愛錫。周漢寧於片場裡多得導演照顧,令佢喺演出嗰陣不會鑽牛角尖,周漢寧最深刻係情緒爆發嘅戲份,導演都感受到周漢寧好緊張,於是拉佢埋一邊,然後讓佢靜落嚟,回想角色本身「基調」,當下佢可以放低壓力,滿有感受嘅回到片場,再與對手一來一回嘅演下去,結果就OK,導演喺拍攝路途中都好體貼,幫助好多,所以周漢寧非常感謝導演。
 
導演喺拍攝路途中都好體貼,幫助好多,所以周漢寧非常感謝導演。

回顧過去一年,大批新演員湧現,令今屆金像獎最佳新演員嘅競爭變得甚為激烈,周漢寧卻為此而感到興奮:「今年有好多新演員,作為一分子係好開心,因為當電影圈愈來愈多新人加入,就愈生氣勃勃,亦更加有活力,因為當你睇到呢個圈子愈來愈多不同質地、不同性格嘅演員,然後可以同佢哋作出思考碰撞,一同交流,呢件事係好美麗!而且令到影圈更加有創意,所以我係開心嘅。」

電影《燈火闌珊》早前舉辦多場優先場。

佘詩曼歐陽震華為Benz雄太太賀壽 陳錦鴻罕有現身圈中好友聚會

許紹雄(Benz雄)近年移居新加坡,自2020年初打本畀愛女許惠菁(Charmaine)做生意,佢不時喺餐廳坐鎮幫忙睇檔,生活過悠閒生活,平時與家人逛街市買餸過打發時間,近日Benz雄回港探朋友,更全家出動去澳門睇楊千嬅演唱會,難得回港,當然要跟相識多年嘅好友歡聚。

佘詩曼與歐陽震華為Benz雄太太慶祝生日。

佘詩曼(阿佘)、歐陽震華、陳錦鴻、韓馬利、杜燕歌及黎芷珊等,跟Benz雄相識多年,原來佢哋約埋一齊為Benz雄太太龍嬿而提早慶祝生日;阿佘喺1999年拍第一套電視劇《雪山飛狐》,就係同陳錦鴻合作,阿佘曾喺《志雲飯局》講過陳錦鴻教戲好仔細,亦好肯教後輩。


佘詩曼與許紹雄曾於2009年合作無綫劇集《絕代商驕》,其後於2014年再度於劇集《使徒行者》結下父女緣。

陳錦鴻多年來為照顧患自閉症嘅兒子陳駕樺而減少幕前工作,甚少在港公開露面,間中喺內地登台,陳錦鴻與一眾老友仍有聯絡。而阿佘同歐陽震華就曾合作拍《帶刀女捕快》、《洗冤錄2》及《法證先鋒2》,二人劇裏劇外默契十足,每年生日都互相向對方送祝福,阿佘曾邀歐陽震華到家中作客,一齊上內地綜藝節目傾心事。相信呢次咁齊人聚會,阿佘、韓馬利同杜燕歌飲酒飲到面紅,就知佢哋必定盡興歸!
佘詩曼曾靠陳錦鴻教抽離角色,避免戀上對手。

 相關推薦

熱門搜尋