新年通常與好友相聚，並分享美食，平日圈中人工作忙碌，佢哋趁住農曆新年都會跟朋友拜年，賴慰玲、陳瀅、陳嘉寶及吳嘉熙有份演《女人俱樂部》而成為好朋友，加上蔡思貝及何雁詩，組成「SIXTERS」閨密團，陳瀅日前返加拿大陪家人過農曆新年。

噚日4位好姊妹前往何雁詩屋企拜年。

噚日4位好姊妹前往何雁詩屋企拜年，何雁詩笑指未到初三已互相「開年」，仲有跟身在外地嘅陳瀅視像通話，何雁詩話有位年紀最資深嘅「前輩」稱大家真係年紀大，多咗皺紋，何雁詩心諗：「呢度得你年紀大咋喎！講笑咩？講真，年紀大有咩好怕喎？你睇賴慰玲，咪又係咁。」佢就冇開名，大家又估唔估個「前輩」係邊個！？蔡思貝同賴慰玲有喺IG更正何雁詩寫錯字，蔡思貝留言「夠膽唔好改」，何雁詩寫錯好友名字，賴慰玲稱再錯斷交。

何雁詩笑指未到初三已互相「開年」。

胡定欣笑指Jaco三年來對自己嘅感情依然冇變。

胡定欣今日到陳山聰屋企見可愛嘅Jaco，胡定欣笑指Jaco三年來對自己嘅感情依然冇變，佢哋嘅「愛的互動 」就係冇互動。陳山聰笑問Jaco係咪嫌棄利是封得少，胡定欣續道：「好大封！搵錢好辛苦，你知唔知呀！你笑吓！年年都好重手。」Jaco仍然冇咩反應，好似睇唔到胡定欣咁，令胡定欣不停大笑。
陳凱琳今日亦貼出年三十晚嘅新年VLOG。

此外，陳凱琳今日亦貼出年三十晚嘅新年VLOG，見佢貼揮春，又要照顧初生嘅Baby C，陳凱琳指搬回香港之後，佢好喜歡CNY(農曆新年)，因為每個人都可以參與其中，大家交換祝福，又分享美食，甚至玩小遊戲及賭博，歡呼不絕，片中見陳爸爸切乳豬，而好姊妹龔嘉欣則幫手飲Baby C食奶，又細心抱住BB。
龔嘉欣則幫手飲Baby C飲奶。片中見陳爸爸切乳豬。

今晚8點半翡翠台將播映特備節目《Ladies First感謝祭》，感謝觀眾一直踴躍支持，順道預祝三八婦女節，呢集陣容相當強勁，有「獎門人」曾志偉，五位「獎老」阮兆祥、錢嘉樂、麥美恩、林秀怡及程浩駿，嘉賓隊有雲集不少視帝視后嘅「隱形戰隊」及「廉政狙擊隊」。「隱形戰隊」有馬國明、陳山聰、劉佩玥、劉穎鏇、吳家樂、樊亦敏；「廉政狙擊隊」有吳卓羲、黃宗澤、王浩信、胡定欣、蔡思貝、黃智雯（Mandy），當中吳卓羲由於係多年來首度上《獎門人》，故此獲特別待遇隆重登場。

吳卓羲嘅出場方式勁特別。三太對Ron愛不釋手。

三太戴毛毛帽玩彈遮遮耐人尋味
今晚樊亦敏（三太）及吳卓羲相當搶焦，被獎門人指係「癲婆」嘅三太，不單止造型搶鏡，全晚表現相當瘋狂，更向Ron表明心迹，獎門人及獎老等笑指為幫「三太」圓夢，竟然喺「開心無敵傳紫菜」環節賣大包，讓三太一人對戰四大型男，包括吳卓羲、黃宗澤、王浩信及陳山聰，以「一打四」形式「車輪轉」與四男輪流啜紫菜。面對型男強攻，平時霸氣盡露嘅三太，忽然少女心，瘋狂笑個不停，肢體數度出現不受控情況。三太喺辣辣壽桃嘅「口不對心」環節，連環出錯拳，即使獲優待玩「超慢板」，仍然跟不上節奏輸足幾條街。最後「開心無敵彈遮遮」環節，三太再度搶焦，以「女殺手」全黑造型登場，又無厘頭換上吸水力強嘅毛毛帽，令人摸不著頭腦。

胡定欣喺「傳紫菜」環節入面，係同三太一樣個樣好似遭逢劫難咁。去到「三太VS紫菜四型男」環節，三太第一個對手已經係Ron，Ron更向三太展示「挑釁手」，好鬼naughty。三太笑到要停一停、抖一抖。「紫菜四型男」施展渾身解數chok甫，真係笑咗。

三太少女心爆發。

黃宗澤吳卓羲王浩信「反串」勁驚喜
今晚「以訛傳訛」亦相當精彩，「紫菜四型男」喺相關環節，完全拋開偶包盡情瘋狂演戲，以「演技大爆發」形容絕不為過。首先「廉政三子」黃宗澤、Ron及王浩信扮演嬌俏女性，均有番咁上下功夫，黃宗澤演繹洞房時嘅急色相，更連見慣大場面，胡定欣都忍唔住大笑；至於吳卓羲演繹掀起頭巾嘅新娘子時，「含羞待放」嗰個表情亦係令全場拍案叫絕。陳山聰今晚會揭示「枚王」真身，在「以訛傳訛」環節中，扮演銀行劫匪，單係以Tee笠頭嘅動作，已成功令全場尖叫，緊隨其後接招嘅Tiffany嚇到即時「扣番」外套衫鈕。

三太玩超慢版「口不對心」都玩唔掂。蔡思貝連除褲動作都做埋，真係好放，而佢全程都好有遊戲精神，值得欣賞。同黃宗澤扮起緊張少婦上嚟，真係笑到人肚痛。到底呢班視帝視后會點演繹「洞房」？陳山聰演繹「打劫銀行」，獲全場一致讚好。

蔡思貝玩得勁放「如廁」動作做足
女嘉賓方面則以胡定欣及蔡思貝最為出色，蔡思貝演繹「驗孕」題目時，做出除褲如廁動作，口中更發出「殊殊聲」表達小便，獲讚夠晒豁出去。至於「老鼠屎」代表，由「三太」再度毫無懸念勝任外，原來Mandy亦相當「㦸手」，不論理解、記性及表達能力均出現問題，令一眾隊員心如死水。不過世事無絕對，Mandy最終喺「彈遮遮」環節成功雪前恥，密切留意今晚節目。

馬明呢個造型……三太呢個造型就夠晒搶，但其實戴頂吸水力強嘅帽嚟玩呢個環節係咩玩法。呢啲絕對係「彈遮遮」經典畫面。黃智雯點樣谷底翻身呢最後？

節目播出期間「獎門人Ladies First感謝祭直播室」有超過九萬件低至21折優惠貨品在直播期間開售，優惠總值高達4,800萬；Total 28件貨品將由一眾嘉賓於玩完每個遊戲後陸續解鎖28個「Ladies First感謝價」超抵優惠，全部可透過「鄰住買」手機App內的同名「直播室」活動購買。

《獎門人Ladies First感謝祭》周五晚8點半翡翠台播一小時版