醒目醒獅賀新禧|醒獅賀年生猛活潑 老外同事初學有睇頭

華人每奉喜慶場合都會有舞獅呢種傳統表演帶動熱鬧氣氛,對幾位喺外國長大或者有外國血統嘅藝員同事就特別有吸引力喇,呢日 謝嘉怡 易宇航 黎澤恩 同 古天祥 就齊齊以初學者身份,跟有豐富經驗嘅嘉賓 陳師傅 學吓嘢喇。

幾位同事對舞獅嘅傳統都細節都非常有興趣,仲係咁左問又問,樣樣都想試,而師傅就逐樣向佢哋仔細解釋,佢哋亦由打鼓、獅頭、獅尾仲有最識搞氣氛嘅大頭佛唔同角色都有學習,似乎又真係有板有眼咁喎,不過Carlos就似乎要鍛鍊吓腰力先得喇。

舞完一輪獅之後,幾位都似乎略為了解當中嘅皮毛喇,不過對於過年傳統佢哋又知幾多呢?主播 詹可琳 就安排咗個小測驗,睇吓過年小知識幾位又邊位最叻喇。

雖然佢哋對過年傳統未必非常了解,不過就一樣明白去舊迎新嘅大道理,過年仲各自都有唔同特別習慣,仲話今年可以再向親友拜年,感覺非常熱鬧呀,而Carlos就話一直有一個問題唔識向外國朋友解答喇,唔知網上有冇高人可以答到佢呢?

咪以為佢哋鬼聲鬼氣就咩都唔識,呢日講起原來佢哋人人都鍾意打返兩圈,易宇航仲因為打得慢被朋友賜咗「巴士站」呢個外號呀。

 相關推薦