愛.回家|Gigi客串做自己引連場笑料 恨見根叔求合照朱古力慰小演員

愛.回家|Gigi客串做自己引連場笑料 恨見根叔求合照朱古力慰小演員

全年無休每晚都為觀眾帶嚟笑聲,務求每集都為觀眾送上驚喜嘅《愛‧回家之開心速遞》,年初五晚將會為大家送上兔年首個驚喜,出道以來人氣有增無減嘅《聲夢傳奇》第一季總冠軍「傳奇新星」Gigi炎明熹將登場客串演出,Gigi喺劇中將做返自己,又會引發連串事件,聽晚(26號)記得留意喇。


Gigi客串《愛.回家》演出,令佢覺得非常有趣
自言由小學開始已經係《愛‧回家》捧場客嘅Gigi,對首度獲邀參與演出,就坦言非常興奮喇,佢話:「我一路都有追開,如果時間許可,我會準時八點鐘坐喺電視前睇,佢哋嘅內容令我睇完之後好開心,每集又會帶出一啲信息,好生活化。呢個處境劇我由細睇到大,小學時係《八時入席》,後尾又有唔同系列。」


Gigi劇中會做返自己,但係又引發出連串事件
Gigi指可以同劇中角色真正合作,感覺既榮幸又夢幻:「真係不可思議,冇諗過以前甚至依家仲一直睇緊嘅劇,會有機會遇到佢哋(劇中角色),雖然有時喺TVB會遇到大家,但唔會真係話傾偈嗰種。」


同《愛.回家》嘅各位演員合作,令Gigi覺得非常夢幻
自言最尊敬角色「根叔」劉丹嘅佢,又非常希望有機會同對方合照:「我知佢做咗好耐,好開心可以加入呢個大家庭,因為我見到佢哋好似屋企人咁相處,又會互相叫對方阿爸、家姐或者阿妹,然後佢哋亦都好照顧我。」


搵到根叔合照就令Gigi最開心喇
Gigi今次參與演出之後,仲大讚劇中道具相當像真:「我覺得有個好得意嘅地方,我一直以為新威龍廣場係一個真嘅廣場,然後Key個名落去,後來先知原來係一個廠景,我覺得好神奇,同埋入面啲產品同店名都好得意。」


劇中場景令Gigi覺得非常有趣
仲趁空閒時間周圍探險

Gigi又話希望日後可以再多啲拍劇,因為非常鍾意同幕後工作人員相處,Gigi話:「我一直好想拍劇,我覺得拍劇好有趣,我好鍾意同工作人員相處,佢哋真係非常之好,好似屋企人咁,所以我希望儲多啲經驗同能力後再拍劇。」



講說話充滿童真嘅Gigi,又笑說拍攝當日遇到兩名相當可愛嘅小朋友,還送上兩粒朱古力氹小朋友開心,佢興奮咁話:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒請佢哋食,啱啱好,Yeah!」 

《愛.回家之開心速遞》星期一之日晚 20:00 翡翠台

Twins疑接炎明熹棒成為快餐店新代言人 「Gi炎粉」激動:還我Gigi!

炎明熹(Gigi)短短幾年間已經成為本地樂壇寵兒,被封為「新一代樂壇小天后」。早前Gigi成為連鎖快餐店代言人,廣告歌《好想約你》唱到街知巷聞。不過,近日該快餐店上載疑以有新代言人的海報,並寫上將會首次與「孖妹」Twins合作,更透露即將會有新火花新搞作。

此舉隨即引起網民熱烈討論,當然「Gi炎粉」激動留言以示不滿:「我想要炎明熹」、「喜歡炎明熹,好想約你已入心!希望再會找炎明熹代言人!會幫襯多啲」、「還我Gigi」、「點解要換人,唔去lu」、「支持Gigi,無Gigi唔會去」

當然,網民反應兩極是正常,亦有人開心留言表示:「哇,久違的兩人新代言!!」、「有得望住你哋食飯都開心D」、「好好掛住你哋!」、「換咗人,順眼曬!」及「支持Twins」等。

圖片來源:網上圖片

Twins疑接炎明熹棒成為快餐店新代言人 Twins疑接炎明熹棒成為快餐店新代言人

 相關推薦

熱門搜尋