車總3月西九開騷 44個字騷名貫徹搞鬼作風

佢唔止係大家熟悉嘅「車總」車志明,佢亦都係有鬼才之稱,曾寫下多首經典作品,好似《深愛着你》、《夢伴》、《霧之戀》、《幻影》等無數經典粵語流行曲歌、詞嘅音樂才子 林敏驄 。驄哥近日就放低超市經理嘅身份,喺3月18同19號,一連兩晚喺西九文化區竹翠公園,舉行.......等陣,各位唞定啖大氣先繼續,1,2,3!跟住讀「蘇格蘭場今天星閃閃林敏驄暨車總腦交戰時日如飛40週年成人禮作品展演唱會之 PART 2 更精采」音樂會,已經幫大家數過喇,係37個中文字加4個英文字母.......


車總,阿,唔係,阿驄話3月開騷叫大家記得留意2月售票時間車總,阿,唔係,阿驄話3月開騷叫大家記得留意2月售票時間
一向係要百厭吓嘅驄哥,今次淨係演唱會名稱字數,據講就已經破香港有史以來最多紀錄,又因為距離演出日期得返唔夠兩個月時間,所以佢農曆新年假期都一直同製作團隊保持緊密聯絡,為將今次標誌自己入行40週年嘅演唱會做到最好。


 入行40周年繼續玩世不恭,阿驄3月開騷連騷名都要玩嘢破紀錄入行40周年繼續玩世不恭,阿驄3月開騷連騷名都要玩嘢破紀錄
早前佢喺拍攝演唱會海報同賀年照片時,就繼續搞事,擺出多個表情生鬼嘅post,令現場充滿歡樂氣氛,而當提及去年成績,驄哥就謙虛話未算達標,希望大家繼續努力,兔年更上一層樓,又祝願大家横財就手,農曆年發新年財呀。

門票2月4號起供贊助商信用卡優先訂購,有意購票觀眾請留意主辦單位公佈。

 相關推薦