不正常愛情研究所｜拜年特別技巧！胡敏芝見家長隱瞞藝人身份文頌男慘遭刻薄刁難

J2（82台）今晚年初四（26日）11點播出《不正常愛情研究所》，由J2ers 黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持，今集主題係「拜年的特別技巧」，準備見家長嘅男女要留意！

Karen話送生果拜年易諗又得體。

農曆新年不少正喺拍拖少男少女，趁機帶另一半返屋企見家長，今集節目各位主持分享見家長嘅見聞，第一步自然係選購拜年禮物，Karen建議送生果，因為方便得嚟唔使諗，雖然略為大路，但勝在易搵。Jojo搵阿媽出手揀海味，非常見得人，佢自爆早前同男友人父母外出吃飯，對方非常好客，為Jojo夾咗一口魚，原來Jojo自細就不食魚︰「呢個時候就要坦白，所以我話『Auntie我揀食，由細到大都唔食魚，不過你哋叫餸唔使就我』。」Jojo接受訪問時澄清對方並非男友︰「有埋其他朋友嘅，好多人，當同Auntie、Uncle吹水。」講起食魚Susuca原來都係同路人，非常抗拒話一食魚就嘔。

各主持對Koba的新年祝福語感到莫名其妙。

同家長飯聚閒話家常，好自然話題會轉到「做盛行」，Karen唔打算透露自己藝人身份，唔會講做呢行，話自己做freelancer、無業人士，佢續道：「係教育性質，好似呢個節目咪教育人囉！因為佢哋會覺得娛樂圈好複雜、大染缸。」Jojo認同好多父母覺得娛樂圈三教九流，反而要教育佢哋。

Karen非常嫌棄Koba，覺得他講說話不夠得體。

Karen話好多家長覺得娛樂圈複雜。

至於Koba見家長，就有啲唔太愉快經歷，話說有趟跟男友父母見面。其實對方母親得知Koba職業開始，男友母親已不停轟炸，出現「得唔得㗎？娛樂圈啲人好雜」呢一類問題。

Susuca同Jojo一樣是「不吃魚的人」。

今趟Koba親身上門拜會，言談間男友父母單刀直入問︰「想抱孫，可以點？」當場Koba感到非常難堪，有被羞辱感覺，但又唔可以發作，到底Koba點樣拆解，留意今晚《不正常愛情硏究所》。最後 Jojo總結經驗，呼籲各位準備見家長嘅男女，食飯最好到酒樓、餐廳之類嘅地方︰「就算佢哋想講刻薄說話，喺街度都唔會太大聲。喺屋企會畀人捉住同你傾好多嘢、冇得走。」

Alan話一般見家長最常見問題是「你做盛行」同「住邊」。